غازلتها بأجمل صفات ومناقب !!!

مساكم الله بكل خير

اليكم ما جاد به المساء عله يروق لكم

الأبيات ..

تنبيه بالصورة صار خطأ بقفل القصيدة
بالبيت الثاني وليس الأول كالمعتاد

الفاتن اللي حققت لي مكاسب=منها تعلمت الغزل واللطافه
غازلتها بأجمل صفات ومناقب=نبض القصيد اللي نظمته حرافه
ناديتها بالصوت عيت تجاوب=ماهو جفا لكن بعد المسافه
أدري حداها البُعد والبُعد غالب=بالذات لا من صار فيها كلافه
على الحبيب اللي له القلب طالب=النبض يشتاق له والحب لافه
الشوق يغدي سبع مبرز مخالب=يجرح شعور العاشق بلا خيافه
لا من بغا له من حبيبه مطالب=والبعد حايل بينهم يا حسافه
أعد هذي من كبار المصايب=تثر على جسم المولع نحافه
وأغرب غريبة في زمان الغرايب=الحب لا من صار فيه انحرافه
صاحبه يبقا طول عمره محارب=بالفكر رجف وبالفؤاد ارتجافه
ما ينفعه علمه وكثر التجارب=درب الهوى ما هو صري من لقافه
أحيان مثل الشهد قرب الحبايب=وأحيان مثل السم هجر وصلافه
طعمه لذيذ ومتعته بالمتاعب=متقلبٍ(ن)بين القسى والريافه
ياما فعل بأرواحنا من مقالب=فيه المواجع والدوا والطرافه
دين الهوى من عانقه صار راهب=يؤمن بمفعول السحر والخرافه
يدعس على جمر الغضا ما يحاسب=دامه يعاني من حبيبه خلافه
الفاتن اللي حققت لي مكاسب=منها تعلمت الغزل واللطافه

مصافحة ملكية


صح لسانك مدد ماهو عدد ابدعت وامتعت


تقبل خالص التحية

صح نبضك قصيدة تستحق الاشادة يعطيك العافية

تسلم الايادي شاعرنا بن هليل

ابيات راقية برقي شاعرها

صح لسانك شاعرنا الراقي قصيدة رائعة بروعة شاعريتك

صح لسانك واعتلا شانك قصيدة شامخة بشموخ شاعريتك وفكرك


خالص التحية

يا سلام عليك


قصيدة رائعة صح لسانك وسلم بنانك

شاعرنا القدير / بن هليل

للجمال عنوان


وانت عنوانه


وللحرف بستان


وانت بستانه


وللحب اوطان


وانت اوطانه


تجولت هنا وهناك


في حديقتك الغناء


فطاب لي المقام


ابدعت بنثر بوحك


سلم قلمك ونبض قلبك


كنت هنا ومضيت

الله الله


صح لسااااااااااانك


ابداع لله درك

خالص الاحترام

صح لسانك للرضا ابداع متجدد ما شاء الله عليك