أسعدكم الله بكل وقت وزمان
بين الخيال والواقع نقلب الأفكار
عبر رحلة وهمية في أجواء مجهولة اليكم التالي:
تكفي ياكبتن تعدل للمسار=بمر دار الغضي وأجلس معه
المنطقة جاهزٍ(ن)فيها المطار=مسموح للهابطة والمقلعه
اطلب من البرج تنزيل اضطرار=واهبط بها للمدرج مسرعه
عانه مولع على الجنب اليسار=شوف المصابيح حمر مولعه
كل القوانين في كل الديار=هبوط مضطر محدٍ(ن)يمنعه
لا تنتظر للأوامر والقرار=هذا التصرف يحقق منفعه
قدام يحدث مع الجو إنفجار=في قلب شاعر ويلقى مصرعه
سلامة الناس يا كبتن شعار=كل الدول للسلامة ترفعه
ياكابتن الطائرة ما لك خيار=نفذ لعلمٍ(ن)بأذانك تسمعه
الظرف ما يحتمل زود إنتظار=المصلحة ما تعادل مجزعه
ماني بقابل لتبرير إعتذار=الوصل بين البشر لا تقطعه
تدري ياكبتن بمعنى الإنتحار=إني أمر الغضي ما أودعه
الدار والولف ياكبتن تزار=شملٍ(ن)تفرق طلبتك تجمعه
قال:إنتظر وإستدارت وإستدار=يعلن هبوط إضطراري وتبعه
صوت الهوا بالنوافذ كالعصار=يوم أقبلت للهبوط مشرعه
ما كنها غير ولهى للصغار=تشفط هوا الجو مدري تدفعه
تحمل على متنها سيد الحرار=عاشق هنوفٍ(ن)جمال مبرقعه
غرامها مشعلٍ(ن)بالجوف نار=طايح بها من جنونه بأربعه
مخلص لها بالهوى طول العمار=كتب هواها بدمه وطبعه
على الشعر والمشاعر لو طار=بالجو ذكرى الحبايب ممتعه
تكفي ياكبتن تعدل للمسار=بمر دار الغضي وأجلس معه
التميز
الإهداءات
تكفي ياكبتن تعدل للمسار !!!
رد: تكفي ياكبتن تعدل للمسار !!!
