الليل الليل

ترانا لو عطيناك الشحم لتقول ماوفيت= لكن الكم حساب(ن) عند رب البيت والساعه
ملكنا الله يعزه حي قلبه لاتقلي ميت= الا يااللي مثيرين الشغب جاكم بمدفاعه

الله الله


صح لسانك

ترى المكشوف ما يندس لو غطيت ما غطيت=ومن لا توقع طاح في عمقان وسباعه
ليا كان الغلط من يمكم وش عاد لي خليت=ياطير(ن)عارفين البدو مطياره وميقاعه

تعال وزورنا في مركز الغالين لوحبيت= وحتى تعرف المكشوف والرجال وطباعه
انا با ابنشدك يوم تقول هذا الهرج وش شميت= لو انك في مكاني كان جبت الذيب بكراعه

صح بدنك يابو عبد الله ولله درك

الله الله

جاك جاك

تحسبنك تعز الجدر وأنته يافتى هديت=بعد وصلت يا ذيب الخبت حلق الرجل و وراعه
ترى منته رقيب الله على خلقه ولو أهقيت=لا تحمل وزر خلق الله يبو عينين دماعه

انا اشوفك من الليله على موجاتنا فريت= ترى باعتك هزلانه لاتجلب يمنا الباعه
انا ماشي على السنه ولا في مذهبي سنيت= ولا حنا على بعض العلوم العوج تباعه

صح لسانك


أصبح الصبح قوم صل ركعتين قبل يذن

وختامها مسك وصح لسانك

ترى هذي نصيحة كان تقبلها فنا لديت=وعلمتك بطب القلب يا رجال وأوجاعه
ترى صبرك يهد جبال والحكمة عمود البيت=ومن ربي منعها عنه عقله راح فرقاعه

على العموم ماقصرت بيض الله وجهك يا بو عبدالله والصلاه خير من النوم والله يتقبل منا ومنك صالح الاعمال وتصبــــــــــــــــــــــــــــــــــــح علـــــــــــــــــــــــــــــــــــى خيـــــــــــــــــــــــــــــــر