يا اصحابنا على الشحم والبن والهيل

ابو مشعل مشكور على التعديل الضريف وثانيا لا تولع بيني وبين هذا المصيبه الله يخارجنا

أدري بكم ياهل المدايح والتهاويل=سنجار تاجر مير ما عنده حميه
إن قلت له افزع يقول الويل ياويل=خل الرعيه عندها راعي رعيه

الليل متابع للجزاله والابداع

اجمالنا بفعالنا جاتك محاميل @@ سنجار تاجر معتبر نفسه صخيه

يوم اللوازم ياولد جينا مهابيل @@ قال المثل الرجل ياخذ من سميه

اجمالكم جتنا وذاقت للغرابيل=واللي ربحتوا من تجارتكم عطيه
يا ربعنا وين المناشف والمناديل=سنجار صاير لا هناك ولا هنيه

ابن عبود وسلطان البقمي مرحبا بكم تراحيب المطر ومشكورين

سنجار المري


عندك التغطية غط وبيض الله وجهك


لكن لا تخليها حذفة مقفي






هههههههههههههههه


سعدت باللعب معك طال عمرك

تبخل وانا خابرك من قوما مشاكيل @@ خل معي ثابت مثل هضبت طميه

ياربعنا وين المناشف والبراميل @@ العود طايح والحقيقه ماعلـــــــــيه

اقتباس : المشاركة الأصلية كتبت بواسطة binhlailبن هليــل [ مشاهدة المشاركة ]

سنجار المري عندك التغطية غط وبيض الله وجهك لكن لا تخليها حذفة مقفي هههههههههههههههه سعدت باللعب معك طال عمرك

انا والله استفد منك الكثير وجلك سالم وانا والله مادريت انك بتنهي الطاروق ولا كان جبت الخاتمه

وللعب معى شرواك يزيد في الروح لانك مدرسه شعريه

وانا تشرفت باللعب معاك بس صراحه توهت هههههه

كله من ابو مشعل الله يهديه اللي علمني بالطاروق

مرحبا يا سعد تراحيب المطر اسمحلي والله مقدرت ارحبك وسبب لان ابو احزام انشبني