اللقمه يابن هليل

من جا ماابطا وعذرك على عيني وراسي يابو حازم وحياك الله

لعل الك البقا ياللي تجيب من العلوم علوم= وانا اشوفك تهد عشاش وتعود تبنيها
احد معطى بها الدنيا واحد ياشيخنا محروم= ولايبلش يكود اللي حبال الطيب يلويها

حياك يالذيب

بلانا وقتنا ياصاحبي في وقتنا برخوم=عيون مفتحة وقلوبهم مولاك معميها
أبني فالقصور العامرة والبوم يبقا بوم=وهذي سنة الله فأول الدنيا وتاليها

ههههههههههههههههه

متى ياشيخنا فوق الرخوم تصدر المرسوم= مااصدق لين اشوف السيف شغله في علابيها
انا اشوف التهامي في بريمه خنجره مسموم= مرار (ن) في يده ومرار في وسطه يخفيها

الليل الليل

أشوفك شايل(ن)حملة على غر بعد مفطوم=وأنا أقول المطوع شايل الختمة وقاريها
أنا ما ناظر لغربان في كبد السما بتحوم=تناغق بالخلا والله مسودها وباليها

ههههههههههههههههههههههههههههههه

البقا يالذيب

انا حافظ كتاب الله واطبق سنة المعصوم= ورجلي في دروب الخير تثبت في مواطيها
ترى اللي فالسما ماهو سواة الطير ابو زلقوم= معه جملة طيور وسمها عندي ويفنيها

يدامك لا تحطه جوف قدر من تحت مخروم=وتيبس كبد من الوقت ما تقدر تداويها
ياراع الصدق درب الصدق بين للعرب مفهوم=تريح وأترك البدوان ترعى في مفاليها

انا عيني تقديني ولا امشي مع ردي عزوم= توصيني وانا اقول الك تعط القوس باريها
جمال عقيل في ديرة عقيل بوسمها الماسوم= لكن اللي همل من دون وسم احذر بلاويها

أوصي صاحبي والعبد ما يهرب عن المقسوم=لكن العين في غفلة تودي روح راعيها
شعيل الله يجيرك كيتي بين على الزلقوم=وقوم بليس أنا يا صاحبي ماني بهاميها

راع الصدق

بن هليل

بيض الله وجيهكم على هذه المحاوره

الجزله والقويه والمميزه اتحفتونا

بهذه المحاوره القيمه ... لكم تحيتي

وتقديري

نصايحكم على عيني ولا لايم ولا مليوم= الا ياكاتب الحجه يبا ينقدك قاريها
تراك انت السبب جبت العصيد ولحمة المفروم= ولانظمت سفرتك الكريمه يامسويها