تعبت اشكي روايه سعوديه جوناااااااااان

مجمع الراشد)
متعب\يالله عاد والله زهقت من كثر من لف وندور ولحد الحين ماعجبك

شي ماأصدق


هيفاء\لا والله أنا لازم أدخل المحلات كلها وشف البضاعات اللي نازله

بعدين أفكر أني اشتري

متعب \ياويلي يعني الحين بلف المحلات كلها حرام عليك

هيفاء\متعب عااد خلاص أن قلت ندخل المحلات كلها يعني ندخلها

اوكيك؟؟

متعب\طيب يالله أمشي ندخل هذا المحل أنا بشتري لي بعض البدل

منها وألا بعد ماتبين تدخلين

هيفاء \اممممم أفكر!! لا لا والله أمزح يالله ندخل


دخلوا المحل ومابقى شي المحل الا شراه متعب طالع على أخته

هيفاء\وأنا أقول على مين طالعه تراني طالعه عليك ياأخوي

متعب\أقول بس عن الكلام الزايد وشفي لي هذه التيشيرت حلو ؟؟

هيفاء\ جنان عليك بس أنا أقول لوتأخذ الأسود أحلى

متعب \طيب يالله خليني أحاسب للكاشير

وطلعوابعدهاو راحوا ستار بكس يشربون لهم كافي موكا...

هيفاء\متعب ممكن اسأل سؤال؟؟

متعب\سألي

هيفاء\أنت ليه ماتبي تتزوج عمرك صار 27 سنه وماشاء الله منصبك حلو

ومش ناقصك أي شي!!!

متعب\تبين تعرفين وش ناقصني؟؟

هيفاء\أكيـد

متعب\ناقصني هذا وأشر على قلبه ودي أتزوج بنت ولا كل البنات أبيها

غير عن اللي البنات أعرفهم أبي أنا اللي أمشي وراها وأقول لها أحبك

مأابي هي اللي تجيني عشان مظهري الخارجي ...


ابي اذا شفتها أنسى الدنيا ومافيها

أبيها اذا مشت يوقف الكون كله علشانها

أبيها تريحني من هموم الدنيا وأنا أشيل عنها همومها فوق ظهري


أبي وحده تستاهل أنها تكون حرم متعب عبدالله الـ(...)

أبي ذوق وحشمه وأخلاق وجمال وأسلوب وشخصيه

تتوقعين أن في وحده بهالمواصفات؟؟اذا في دليني عليها وأنا على طول

أتزوجها..

هيفاء\الصراحه ياأخوي ماعندي وحده تحمل كل المواصفات اللي تبغيها

وأصلا مستحيل تلقى كل هالمواصفات لأنها صارت نادره بين البنات


متعب\صدقيني بيجي يوم وبلقاها !!

هيفاء\طيب يالله خلينا ندخل المحلات اللي مادخلناها عشان مانتأخر

على البيت


(بيت بو حنين)
على طاولة الطعام

ريم\ماشاء الله عليكم يابنات خالتي أكلكم يجنن

لافي\خصوصا السلطه تسلم أيد اللي سواها

حنين\واللي سواهاالعنود

لافي بخاطره أدري ياقلبي يالعنود

بو لافي\يعلها سفره دايمه

أم حنين\بوجودكم انشاء الله

وبعد ماتعشوا جلسوا يسولفون شوي حتى الساعه 12 بالليل بعدها

راحوا بيتهم

بس تتوقعون وش علاقة متعب بالقصه؟؟

وهل بترجع المياه لمجاريها عند لافي والعنود؟؟؟


اتمنى من قارء الرواايه الرد على الأسئله في نهايه الجزء الساادس

الجزء السادس

:صبـاح الفل والنرجس والياسمين على أغلى أم بالدنيا

أم متعب\هلا والله بضناي حبيب أمه والله

متعب\شلونك يمه عساك مرتاحه؟؟

أم متعب\مرتاحه يابعد قلبي والله

وبعد هالكلمه نزل فهد مع هيفاء ودخلوا الصاله

فهد\بـس من صباح الله خير غزل ودلع وحنا حتى ابتسامه على الوجه

مافي والله ماحد فقير في هالعايله غيري أنا وهيفاء .. صح هيفاء؟؟

هيفاء\أي والله وانت الصادق ياأخوي أمي تمووت في شي أسمه متعب

وحنا ياغافلين لكم الله عيال الجيران أمش أمش بس نروح الجامعه

شكلها الوالده نستنا خير شر من أول مارجع متعب من الرياض وخذ

الدكتوراه وهي معطتنا طاف........

متعب\حشــى وقسم بالله أتوقع انك بالعه راديوا على الصبح أصبحنا

وأصبح الملك لله...

هيفاء\ قل أعوذبرب الفلق من شر ماحسد........

بسم علي لا يجيني شي الحين
متعب\ أصلا أنا عيني بارده صح يمه؟؟؟؟؟

أم متعب\ أكيد ياولدي يالله عااد كملي فطورك .علشان ماتأخرين أخوك

عن الجامعه.........

فهد\ أيه والله تأخرت على الجامعه الحين بيذبحني لافي يالله بسرعه

أنت مش لازم تفطرين........

هيفاء \حرام عليك توني حتى ماقلت بسم الله

فهد\والله ماأحد قالك تهذرين من صباح الله خير لك 5دقايق بس بعدها

أن ماطلعتي بروح عنك فهمتي؟؟؟؟؟؟؟؟

هيفاء\فهمت فكنا عااد رح شغل سياراتك بتخلص الخمس دقايق

(مدرسة البنات الثانويه الثانيه بالخبر)

العنود\هنـد هنـد اسمعي

هند\شفـيك تتكلمين كذه كأنك بتسوين جريمه؟؟

العنود بخبث\اشرايك نجنن أبلة الأنجليزي ونستعبط عليها ؟؟

هند\ليه شعندك اليوم فرحانه والمزاج رايق؟؟

العنود\الصراحه مدري شقولك أنا اليوم فيني خبال وأبي أطلعه على أحد
ومالقيت غير أبلة الأنجليزي العصبيه

هند\ أقـول لا تغيرين الموضوع وقولي أيش فيك تراني صديقتك عشرة

عمر 9سنين أوكــي

العنود\طيب الحين هي بتجي بعدين بقولك المهم اسمعي أول ماتدخل

الأبله هي طبعا بتقول good moring girlsوحنـا بنقول ايش؟؟

هند\good moring teacherبنقول (مستانسه الأ خت اللي

يشوفها يقول استكشفت نظريه والامخترعه الذره)

العنود\لايافالحه وأنا اللي فكرت بتفهميني على طول أمحق عشرة

عمر!!

هند\أجل وش تبيني أقول ؟؟؟

العنود\شوفي أول ماتدخل وتسلم نقوم نوقف ونقول وعليكم السلام

ورحمة الله وبركاته شرفتينا ونورتينا يا أبله نوره أنت العسل وأحنا

البصل أنت البخور وأحنا العطور....أوكـي عنوني

هند\هـاهـاهـاهـاهـا والله أن عليك أفكار جهنميه الصراحه أنت كذه

يبيلك تأخذين جائزة الأوسكار

العنود\أقـول بلا تطنز تراني ماأمزح يالله يالله

هذه جات

وفعلا دخلت أبلة الأنجليزي وقامت هند المسكينه الـ وحدها على

أساس

أنها مصدقه أن العنود بتقوم معها لكن الأخت العنود غدرت فيها

وهند كلت تهزيء مب صـاحي من أبله نوره.....................وهي

ميته قهروتتوعد للـ عنودبعد الحصه أنها بتذبحها....



(جامعة الملك فهد للبترول والمعادن)

لافي\يالسخيف شفيك تأخرت علي من زمان وأنا واقف بره أنتظرك

والشمس ذابحتني؟؟

فهد\أقـول بس أسكت تراني مانسيت اللي سويته أمس؟؟

لافي منحرج وهو يتذكر السالفه\وش سويت ؟؟ماأذكر أني سويت لك

شي؟؟؟

فهد\ايه سو نفسك غبي وماتذكر شي بس أنا بجاريك في الغباء وبذكرك

:تذكر أمس يوم سكرت السماعه في وجهي مرتين

المره الأولى قلت يالله سمّاح هالمره الولد مرتبك ولا يدري باللي حوله

والمره الثانيه مسكت أعصابي بس ياويلك أن ثلثتها فاهم؟؟؟

لافي\ الله الأخ حاقد وأنا مدري !!أفا عليك ياخوي لا تزعل مني تراني

شوي متهور بس أعجبك والا ماكان استمريت في صداقتي هالسنين

كلها..

فهد\ يالوثــوق أقول بس خليني نمشي تأخرنا على المحاظره

ودخلوا القاعه وحصلوا لهم كم تهزيئه محترمه من الدكتور على

التأخير (يستاهلون ماأحد قالهم يطقون سوالف ويتأخرون)

(غرفة حنين)

جالسه لحالي حزينه..كئيبه..ضايعه..تايهه..ماأعرف وش تحمل لنا

الأيام بكره؟؟

هل بنعيش بسعاده وأمـان وأمـل للأيام الجايه؟؟

والابتخيم علينا غيمة الحزن والخوف اللي تعودنا عليها وصارت شي

طبيعي بالنسبه لنا!!!




يمكن نضحك..نفرح..نتكلم..نسمع..نبكي..



بس مستحيل مستـحيل يتغير الواقـع اللي انكتب لنا.........



طلعت من غرفتي وشفت أمي جالسه تتكلم بالتيلفون وفي وجهها أحلى

ابتسامه استـغربت كل الهم اللي كان في قلـبي انزاح بسبب هذه

الأبتسامه!!!

اّأأّه ياأمي ياللي حنانك مابعده حنان أنت الدنيا والقلب والروح..

يعل هالأبتسامه دايمه ياربـي......


سكرت أم حنين السماعه وشافت حنين واقفه وسرحانه

أم حنين\حنين!!من متى أنتي هنيه؟

حنين\من شوي...يمه مين كنت تكلمين؟؟

أم حنين\هذه خالتي فاطمه (أم متعب)

حنين\خالتي فاطمه!! شخبارها من زمان عنها....

أم حنين\الحمد لله بخير وتسلم عليكم بعد

حنين\الله يسلمها من كل شر..

أم حنين\بكره عازمتنا على العشاء عشان كذه هي متصله..

حنين\شفي الناس كله عندهم عزايم من قبل كم يوم عمي عزمنا والحين

خالتك عازمتك..بتروحين؟؟

أم حنين\قولي بنروح لأنكم بتروحون معي كلكم

حنين\لا يمه ماني برايحه مالي خلق لـعزايم ووجع راس..

أم حنين\لين متى ياحنين؟؟ ليم متى بتمين منعزله عن العالم و الناس

لين متى بتمين وحيده؟؟ خلاص يايمه خلينا ننسى الهم والحزن اللي

بعيونا ..خلينا نعيش..خلينا نعيش يومنا ولا نتحرى وش بيصير باكر
..
العمـر مـره والموت مره والحياه مره وحده..

انسي حبيبتي كل اللي صار ولاتقعدين تفكرين كثيير وخليها على

الله....





حنين وهي تصيح\أنســـى!!!!!!







كلمه سهله سهل قولها على اللسان بـس بس ..صعـب صعب أن

حنا نطبقها.......

..تدرين ليه يمه أنا بالذات صعب أنسى؟؟

أنا بقولك ليه؟؟ عشان يمكن انك نسيتي أو تناسيتي..لكن أنا مستحيل

أنسى الجرح اللي انفتح من سنيـن مستحيل أنسى الجرح اللي انفتح

من أول ماوعيت على هالدنيا وعرفت الصح والخطأ..وشفت قسوة

ومرارة الدنيا علينا لا رحمتنا ولا خلتنا نتهنا عشنا في غربه وحنا في

وطنا كانت ظالمه ظالمه علي وعليك وعلى أخواني اللي تيتموا وهم

صغار أصلا ماكان عندهم أبوا ولا راح يصير ........



يكفي أن عندهم أم وحده تدفيهم من البرد اذا أعلنت الأيام رياحها

وعواصفها وتكسيهم من حنانها وحبها اذا كانوا محتاجين للدفا

وتضمهم لصدرها اذا كانوا فاقدين الأمان والراحه

يكفي أم وحده يكفي..

وعلى طول راحت حنين لـ حضن أمها لأنها كانت محتاجه للأمان اللي

يعوضها من الحرمان اللي عاشته..

.

. "ضـيـاع"

طرقت باب أمسي
كي أرتمي في أحظان الذكريات
..أستقي منها بذوري الهامي
..وأراوي بين طياتها أوهامي..
أشتم فيها عبير زهور أحلامي..
المبلله بدموعي أحزاني..
..ذكرياتي التي ذبلت فيها أنغامي..
...واضمحلت فيها أحلامي..
..أشارف معها على دخول باب النسيان....
بلا أمـل
بلا قـلـب
غـريـبـه
تـائـهـه
.. أضـعـت عـنـوانـي
.. لـكـني ودعـت أحـزانـي
.. فـجـرت بـركـانـي........
..شـدوت بـاأنـغـامـي..
.. ورددت ألـحـانـي...
!!وزرعت الأزهـار فـي أرض افـراحـي...............


(بيت بو متعب)

\وأخيـرا مابغيتي تجين من الجامعه ؟؟

هيفاء\ روابـي هلا والله بأختي حبيبتي وراحت سلمت على أختها

شلونك وشخبارك؟؟وش مسويه ؟؟وشلون عمار وياسر ؟؟ وكيف حال

زوجك؟؟والرياض وأهل الرياض؟؟

روابي\ بس كلتيني كل هالأسئله تبيني أجاوب عليها في وقت واحد

مايصير شوي شوي خلينا نبدء

لوني ابيض

وأخباري زينه

وش مسويه ماسويت شي

وعمار وياسر طيبين

حال زوجي بخير

والرياض وأهل الرياض يسلمون عليك

هيفاء\ مالت عليك تطنزين حضرتك..هذا جزاني اني ولهانه عليك

خلاص لاتكلميني الا بعد ماأنا أكلمك أوكـي؟؟

وبعد خمس دقايق

هيفاء\وش فيك ماتتكلمين؟؟أنخرستي؟؟

روابي\والله ياحبيبتي أنا أطيع شورك أنت قلتي لا تتكلمين لمن أنا أتكلم

هيفاء\ياربي على المطيع أنا ماأقدر على الأدب

روابي\أكيد ماتقدرين حبيبتي أنا غير .......

هيفاء\أقول حقوق الطبع محفوظه فقط لـ جده غير لاتصيرين حراميه

روابي بظحكة اسخفاف \ها ها ها والله انك بايخه

هيفاء\وأنت أبيخ

:لا خلاص أنا اللي بايخ

روابي\متــــعــب

متعب\هلا والله بروابي وأنا قول شفي الشرقيه منوره......

روابي\منوره بوجودك حبيبي..شخبارك ياأخوي؟؟؟

متعب\الحمدلله بخير وعافيه أجل وين حبايبي عمار وياسر؟؟؟

روابي\حبايبك فوق يلعبون بلاي ستيشن في غرفة فهد

متعب\أوكـي بروح أبدل ملابسي وأجيكم لا تتخانقون طيب بابا؟؟

هيفاء\طيب بابا بس لاتنسى تجيب لي حلاوه

متعب\انشاء بس أنت لا تصيحين طيب

هيفاء\طيب

روابي\الحمدلله والشكر صج بزره

هيفاء\تكفين يالكبيره!!!!!!!

طلع متعب الطابق الفوقي وتوه بيدخل غرفته الا يسمع صوت من غرفة

فهد على طول مشى ودخل الغرفه وفتح الباب بقوه

متعب\وش تسون حبايبي؟؟

عمار+ياسر\خالـي متـعـب

وفتح ذراعه متعب عشان يجونه على طول طاروا بحضنه

متعب\شلونكم ياعيون عمكم والله؟؟

عمار\الحمد لله بخيـ

ويقاطعه ياسر\أنت مين قالك تتكلم خالي كلمني أنا

عمار\لا كلمني أنا

ياسر\ لا أنا

متعب\يالله أن أفتك مين اللي تحت يجوني هذيلا .................

بــس تبون تروحون البقاله؟

عمار+ياسر\أيوه

متعب\طيب لاتصرخون بروح أبدل ملابسي وأجي أوكــي؟؟

عمار+ياسر\أوكـي

(بيت بو حنين)


العنود\الـو

العنود\الو منو؟؟على الخط؟؟

العنود\الــــو

العنود\ناس ماتستحي على وجهها وتصك السماعه بكل قوتها

عمر\منو على التليفون؟؟

العنود\مدري الصراحه ماسألته.......

يعني ماتشوفني جالسه ساعه على التليفون ولا أحد يرد!!!

غبي......

عمر\ول عليك مايسوى علي أني قلت منو على التليفون كلتيني...

بروح أخمد احسن لي من مقابل هالوجهه

العنود\من حلاة وجهك عااد الحين توم كروز على غفله رووح نام

احسن...


وشوي ويرن التليفون مره ثانيه

العنود\الو ماتـرد !! صج اذا قالو الفاضي يعمل قاضي

وتوها بتسكر الا تسمع صـوت ماخلاها تنام الليل

صوت(حبيب القلب) لافي

لافي بكل حب وبكل وله وبكل شوق\الـومـرحبا العنود.........



العنود بااحراج فظيع\.................هلا هلا لافي

يا حلو أسمي بصوتها كأنه نغمه موسيقيه

لافي\شخبارك؟؟

العنود\الحمد لله.............وأنت شخبارك؟؟؟

لافي\انا بخير دام أنت بخير يالعنود

لحظة صمت.........



لافي\العنـود!!

العنود البنت ذايبه\همممم

لافي كان وده يقول وحشتيني بس ماقدر يقولها الا بشكل غير مباشر

لافي\.........وحشتيني وحشتني ضرايبك وخناقك من يوم حنا صغار

طبعا العنود فهمت وش كان وده يقول بس ماقدرت تقول أي شي

لافي\العنـود!!وينـك!!أنت معي على الخط؟؟



العنود بصوت واطي\ايه معك بس

لافي\طيب ليه ماتردين؟؟

العنود\..........................لأن أحس أنه في أحد بيدخل الصاله

لافي\أوكـي طيب تامرين على شي قبل ماأسكر

العنود\لا ............... سلامتك

لافي\طيب ديري بالك على أهلك..........ووونفسك

العنود\طيب مع السلامه لافي

لافي\في حفظ الله

لا لا أنا في حلم ولا في علم لافي كلمني بالتليفون وأنا اللي رديت عليه
يـاي مين قـدي ...بروح أقول لـ هند أكيد بتفرح علشاني.....

لافي يكلم نفسه:

معقــوله كيف جتني الجرئه وكلمت العنود!!

قويه الصراحه في حقي وحقها .......

(زين أنك أعترفت)

يدي هي اللي ضربت رقم تليفونهم...

(لاتحاول يالافي التهمه لابستك......)

بس والله ماني بقادر أمسك نفسي .....

(ماأحد قالك كلمها)


وماني بقادر أتحكم بعصابي ........

(ماأحدضربك على أيدك وقالك حبها)


ياويـلي يالعنـود وش سوى فينـي حبـك!!

(تستاهل...).............................(مجنون يكلم نفسه الحمد لله والشكر الله لا يبلانا بالحــب)


ياللي ملكت القلب والقلب يهواك
خلنا نعيش الحب باحساس روحين.
تبقى معايا دوم وابقى لدنياك
حتى ولو هاالناس قلي مجانين.
الحب ما هو بقول اهواني وبهواك
الحب لو ضحيت ما تكفي قلبين.
الحب بحر الشوق قاعه سجاياك
واللي خلق هالشوق يخلقه بحرين.

(كلمات اهات ودموع)

(بيت بومتعب)

الصاله

أم متعب\ياعيالي تراني عزمت عيال أختي بكره على العشاء

هيفاء\والله وناسه يعني بشوف بكره حنين والعنود وبسولف معاهم

فهد\هذا اللي فالحين فيه سوالف وخرابيط مالها داعي...........

هيفاء\أقول بس أسكت شوفوا مين يتكلم ..........مدري مين اللي

يجلس24ساعه مع صديق العمر لافي........

فهد\منقـهره

هيفاء\على أيش أنقهر ياحسره!!!!!!


روابي\زين والله أني جيت من الرياض وألا كنت بمووت غيظ على

شوفة حنين........

هيفاء\ايه على طاري حنين هي لحد الحين تدرس دروس خصوصيه؟؟؟

أم متعب\أيه لحد الحين والله كاسره خاطري هالبنت ماأحد قايم بالبيت

الا هي...................




متعب\يمه محتاجه شي أجيبلك اياه من بره علشان العزيمه

أم متعب\لا حبيبي ماتقصر كل شي موجود.........

متعب\أوكي أن بروح الحين عندي دوام العصر تامرون على شي؟

الجميع \سلامتـك

ريم\أقول العنود وش بتلبسين بكره؟؟

العنود\والله مدري بس اتوقع أني ألبس بدله لونها أحمر ..وأنت وش

بتلبسين؟

ريم\والله لحد الحين محتاره بس لازم نكشخ لأن من زمان ماشفناهم

العنود\أي والله صادقه لازم نكشخ

ريم\وهالله هالله بالمكياج

العنودبغرور\افا عليك أعجبك أنا

(العنود رسامه ماهره وتفنن في رسم العيون )

ريم\العنود

العنود\هلا

ريم\اممممم ...........

العنود\شفيك تكلمي!!

ريم\عمر بيجي بكره

العنود بخبث\ماسمعت عيدي..

ريم\الله يأخذك لازم تذليني يعني

العنود\أنا ماقلت شي بس قلت عيدي اللي قلتيه لأنه صوتك كان واطي

ريم \خلاص قفلي الموضوع أوكي

العنود\طيب وبعد شلونك؟؟

ريم بتأفف\زينه...أوكي ماأطول عليك مع السلامه

العنود فيها الظحكه بس كتمتها\الله يسلمك..

يتبع

(يـوم الـعزيـمـه)

( غرفة البنات)

العنود\يلا حنين الحين خالي بيجي وأنت لسه مالبستي!

حنين بضيق\مدري يالعنودأحس قلب منقبض

العنود\تعوذي من بليس وقولي بسم الله وان شاء الله ماهو صاير الا كل

خير...

حنين\الله يسمع منك

العنود\يالله أنابطلع وبخليك عشان تلبسين

وطلعت العنود من الغرفه وتركت حنين لوحدها علشان تبدل ملابسها

أم حنين\هايمه خلصتوا؟

العنود\أي بس بقى حنين تلبس

وشوي وطلعت حنين من الغرفه وكانت لابسه بلوزه سوده هاينك وفيها

تموجات فضيه خفيفه وتنوره سوده مقطعه من تحت مع بوت أسود

وماحطت غير كحل ومرطب شفايف

شافها عمر وقام يصفر \أوش أوش طيحتي قلبي حرام عليك تهبلين

العنود وتبي ترفع معنويات أختها\لا لا مالي شغل تغيرين البدله طالعه

أحلى مني

أم حنين \بسم الله على بنتي هي دايما حلوه ماشاء الله عليها

حنين بابتسامه باهته \مشكوريـن أخجلتوني الصراحه

وقطع كلامهم صوت جرس الباب وكان خالهم جاي

طبعا سياره وحده ما تكفيهم

أم حنين وسمر والعنود أركبوا في سيارة بو لافي

وحنين وعمروريم ركبوا في سيارة لافي

وطبعا لافي مــات قهر لأن العنود ماركبت معاه وفينفس الوقت

خاف أنها تكون زعلانه ومعصبه بسبب انه كلمها


لكن العنود ابدا ماكان تفكيرها كذه والسبب اللي خلاها ماتركب معاه

أنها مره مستحيه منه ومنحرجه بسبب المكالمه ابدا ماتوقعت لافي

يكلمها ويشتاق لها بعد ماجاء بيتهم.....

(بيت بومتعب)

أم متعب\مو كأنهم تأخرواشوي؟

روابي\أي والله صادقه تـأخروا

أم متعب\ دق عليهم فهد شوف وينهم...

فهد\لايمه توني داق على لافي وقال هم في الطريق........

أم متعب\زين أشوه

متعب\ ريحي أعصابك يالغلا مسافة الطريق وبيجون.....

شوي الا وهم واصلين طلعوا العيال من الصاله عشان يستقبلون الرجال

في المجلس

وبعد السلام والترحيب الطويل جلسوا الحريم في الصاله

هيفاء \بنات عطوني عباياتكم مااحد داخل الصاله لاتخافون..
وعطوها البنات العبايات وكلن أنهبل على شكل حنين ولبسها

أم متعب \ياحليلك ياحنين حلويتي مره

حنين\تسلمين ياخالتي عيونك الحلوه

أم متعب\روابي صبي قهوه

روابي\انشاء الله يمه


طبعا كانت الأجواء في المجلس كانت ربشه مره ووناسه كلن يسولف

من جهه ويضحك ويتذكرون مواقفهم اللي تضحك يومهما صغار

هيفاء\وينكم يالقاطعين ماتسئلون ولا شي ...

العنود\ الحين حنا صرنا قاطعين وال أنت اللي ماكلفت على عمرك حتى

تمسكين سماعة التليفون

هيفاء \عاد تكفين أنت اللي مره مقطعه التليفون من كثراتصالاتك!!

روابي\خلاص لاانتي ولا هي أنا اللي قاطعه..

هيفاء\صح يا ريم أنت أي صف؟؟

العنود\شفتــوا وتقول بعد أنا حنا مقاطعينها على الأقل ياحبيبتي حنا

نعرف أنا

أنت في الجامعه مش أنت ...عفاناالله

ريم\يمه منك خليني أتكلم كلتي البنت .....

الله يسلمك أنا في ثاني ثانوي علمي

روابي \يالله عاد شدوا حليكم علمي يبيله وحده بس تأكل الكتب أكل

ودائما تكون متابعه مع معلمتها

العنود\الله يعين

شوي ودق جوال العنودوماحست الا الدنيا تدور فيها لأن كان

المتصل...............

تتوقعون مين اللي دق على حنين؟؟
وش بيصير في بيت بو متعب منأحداث؟؟؟


اذا عيبتنكم الروايه علموني اكملها لكم

دمت بود

عذبة بصراحة الرواية حلوووووووه

ياريت تكملينها مايصير توصلينا نص البير وتقطعين الحبل

تقبلي مروري

نديم تامر امر

لاني مالقيت تفاعل

بس بنزل الي اقدر عليه علشانك

الجزء السابع

يـاويلـي ياويـلـي وش أسوي؟؟ مافي الا أقول لـ حنين

العنود\حنين حنين

حنين\هلا

العنود\..........

حنين\ وش فيك يالعنود؟ليش مارديتي على التليفون

العنود بألم\تدرين مين المتصل ؟؟؟

حنين\لا طبعا

العنود\حنين أبـ ـوي اللي داق ابوي ياحنين



حنين\لا حرام عليك لاتقولين ....أكيد تضحكين

وقطع عليهم صوت رنة التليفون

في هاللحظه تأكدت حنين أنها صدق ابوها

روابي\ العنود ردي على التليفون!!

حنين\لا..........خليه أنا اللي برد.........

وقامت حنين من مكانها وراحت شوي بعيد عشان ماأحد

يسمعها..........


حنين\الـ ـو هـ ـلا يبـ ـه

بوحنين\الله يأخذك يابنت الكلب وينكم فيه؟؟

حنين بألم\حنا بيت خالتي فاطمه.......

بو حنين وباعلى صوته\الحين يازفته تجين البيت بســرعه

وقفل السماعه بوجهها................





في هذه اللحظه أخنقتني العبره......

ماني مصدقه هذاأبــوي !! معقـوله!!وين اللي يقول الأب حب

.. وين اللي يقول الأب رعايه.. وين اللي يقول الأب اهتمام

..أمـان..حنان..

وين مشاعر الأبوه الفطريه...

ياناس قولوا لي في أحد يكرهه عياله!! في أحد يتمنى الشر

لهم!! في أبو بهالدنيا وده يحول حياة عياله الى جحيم!! في أبو

يتلذذ بعذاب عياله!!

ليه كل مره نحاول ننسى الأحزان يجي أحد يكدر علينا؟؟؟

أحنا ايش سوينا؟؟ أي جرم أرتكبنا؟؟مين المظلوم ؟؟ ومين

الظالم؟؟مين اللي لازم نحاكمه؟؟ليه يادنيا ليه؟؟....


ماعلى الدنيا عتب..........
كل مافيها أمانــي..
فوق ملتاع ..الهـدب..
أكتـب أحسـاسي أغاني.....
كل ماشفتـك أحن..للصفاء وأجمل وفاء..
يامركب من سهر..يامجاديف القدر....
يابحر موجه عبوس..فيك اتبعني السفر..
كل ماترسي بمينا..أقول تاني..
وأثرها غضب علينا...لعبـه يلعبـها زمـانـي........



شسوي أروح البيت وأشوف أيش يبي والا أجلس ولا كأن شي

صار

بس أنا أعرف أبوي متهور ويسوي أي شي...

ياربــي أرحمني..

لالالالالا لازم أروح وبأسرع وقت بس منوا اللي يوديني ؟؟؟

بس بدون محد يدري... أطلع وأجر تاكسي...

لا صعبه جدا خصوصا أن كلا بيحس

طيب يوديني لافي بس أعرف لافي اذا قلت له بيعلم خالـي

وبتستوي خناقه كبيره أحنا في غنى عنها

يارب ثبتـني....وبهالحظه نزلت دمعه من عيونها خلالالاص

مش قادره أستحمل الوضع اللي أنا محطوطه فيه...

وماأحد حس فيها غير العنود وروابي وعلى طول راحوا لـحنين

روابي\حنين ايش فيه !!ليه تصيحين!!

حنين ماقدرت تغبي الموضوع أكثر من كذه لا زم أحد يساعدها

وقالت لهم كل السالفه بالتفصيل

وخلاص انفجرت من كثرالبكي

العنود\طيب ايش نسوي ؟

حنين وهي لازالت تصيح\مدري يالعنود مدري

روابي\طيب أنا عندي فكره بخلي أخوي متعب يودينا لأنه نقدر

نوثق فيه في هذه المواقف شرايك؟؟؟؟؟

حنين\لالا فشيله ماأقدر

العنود\حنين تكفين وافقي ماعندنا الا هذا الحل تكفيـن

وبعد اصرار روابي والعنود وافقت حنين

حنين\اسمعي اذا أمي سألت عني قولي لها أن في وحده جايه

تأخذ أوراق الأمتحان ومره مهمه انا ماأقدر أقول لها لأن بتشك

فيني أوكــي..

العنود\طيب يلا روحوا مافي وقت ..

روابي\يالله أن بدق على متعب انتظريني هنا

حنين\طيب يلا بسرعه

روابي\هلا متعب

متعب\هلا حبيبتي

روابي\طلبتك طلبه قول تم

متعب\تم ياقلبي قولي

روابي\أول اطلع بره المجلس

متعب\حاضرين دقايق

الله يعطيك العافية

عذبة


رواية رائعة جدا


مع أني ما كملت قرأتها بالكامل

بس بوعدك إن شاء الله برجع أكمل الباقي

لك


كل التقدير

كامل يسلمو

حمستني انزل اجزائها

نورتني بطلتك