أنا قررت بدء الهجوم !!!

قايد الفوج
صح لسانك جيت والله جابك
طال انتظارنا

متابعين

صحت ابدانكم


وشرفتوا بالمرور

حياك الله يا قايد الفوج


هذا البدع طير النوم من عيني من المغرب أدور من يرد

لكن بعد جيت حياك الله

الدعية ترى ماهي بلوي الذراع=أنت فارس شجاع(ن)بس قومك رخوم
قبلك الناس خافت لا تعقب وراع=يحسبون المعاني مثل فرك الخشوم

حياك الله يابن هليل

ههههههههه

والله اني قلت مايبي يرد الا بكرة

لكن صح لسانك واستلم وانا موجود

المواقف تراها للصبي الشجاع = ما عليه من اللي ما يسد اللزوم
كل واحد يبا يدلي بما يُستطاع = والبحر ينزله رجال يعرف يعوم

والله إني بغيت أحط راسي بعد عذرت وشفت العرب تسبر وتعود خلافها

لكن بعد جيت بنأخذ شوي ولو بغيت نكمل بكره وتراني بغيتها لقيف مجنب

لكن الصكات ما تجي الا براس الجيد

بعد صدرت لأمري قولوا أمرك مطاع=قبل تاقع على راسك طيور تحوم
يا سباع(ن)تعشا من مخالب سباع=والقحاطين تعرف جدها والبقوم

لا تقود الجيوش اللي تخاف الضياع = ان بغيت القيادة شوفها بالحلوم
يا سباعٍ تعشى بعد صرنا شباع = إلكم المعرفه ولنا كثير الوسوم

الليل .. لا تسري لين تبدي نجمة الصبح هههههه

صح لسانك


رد كائف

واستلم وبكرة نكمل

والله إني علاكم خائف من النزاع=كان قام العجاج وكان زفت غيوم
العرب من قديم الوقت تهوى الصراع=وأنت بين خبير(ن)حافظ للرسوم

صح لسااااااااااااانك واستلم

بكرت الشايب اللي جوا لها قينقاع = انطلق ردّها كان انت رجلٍ خدوم
الفعول القديمة بيّنه كالشعاع = علّها في قلوب الخلق دايم تدوم

وتصبح على خير وبكرة لنا لقاء ان شاء الله

الله الله صح لسانك


وبيض الله وجهك


غط البيت وجاء ما كفا وعساك على القوة دائما مبدع

المطية نقية مثلها ما يباع=مجوده بالثبايت بينة بالوسوم
لا تخلط الثنية بالسدس والرباع=درها للضيوف وراسها للنجوم

صح بدنك

وتسلم على كل حرف قلته

والمعذرة ان كان اخطيت بشيء

وعلى ان هذي المحاورة الاولى لي مع شخصكم . لكن انا اشهد انها اروع محاوراتي

وبيض الله وجهك والى اللقاء

طيّبة لو حضرنا كلنا بإجتماع = نبتغيها فعول ولا نبيها علوم
أن نظرت ليميني قلت صار الوداع = وأن نظرت ليساري قلت خير القسوم