ملخص الطاروق بيني و بين الشاعر/ عثمان الثبيتي ..
بندر غزاي المقاطي :
البناخي لا زهمته غاب و الذمه بريه
لا طرحنا له قضيه غاب عن حل القضيه
من يجيبه يَ عتيبه لي يبشر بَ الحذيه
الله الوالي و لا غير الله الوالي ولي
ماني مسلم على عثمان /:/ يَ لين يحضر لنا عذره ..
مَ فيه نارً بلا دخان /:/ و الحب يطلع كما بذره ..
عثمان الثبيتي :
أنت يَ بندر كشفنا علومك كلها
بَ المحطه يومها ترسلك و ترسلها
مير لا صعبت عليكم نجيك بَ حلها
الله الوالي و لا غير الله الوالي ولي
اللي بلا مشكله زعلان /:/ إذا نذر يوفي بَ نذره ..
قدام يلعبك الشيطان /:/ لا تسمع علومه القذره ..
بندر غزاي المقاطي :
لا تكبر لقمتك خلها من قد فمك
و لو جهلك سعيد بندر تراه اللي فهمك
شافت العالم سواتك و لا سمعت نسمك
الله الوالي و لا غير الله الوالي ولي
أشوف بيتك بلا سيسان /:/ و أنا أخبر العرب حذره ..
إمبير البوصله خربان /:/ و الميل مَ أحدً لقى جذره ..
عثمان الثبيتي :
أنت ليش الخوف مثر عليك و مشغلك
لا تمدح لك بَ حاجه و هي مَ هي بَ لك
و الله إن بني الحجر غير عن بني البلك
الله الوالي و لا غير الله الوالي ولي
راجع مصادرك يَ الغلطان /:/ و إلا من المسأله عذره ..
دور على طير أبن برمان /:/ أما يذريك و إلا اذره ..
بندر غزاي المقاطي :
من حدودك في حدودي لا تحذف المشكله
قد نقلنا حمل مَ أنته بَ قادر تنقله
فعلي أفخر فيه و لا أنت فعلك بلبله
الله الوالي و لا غير الله الوالي ولي
سيفي فعوله لها برهان /:/ و لا أنت سيفك بلا شذره ..
من الكبر صابك النسيان /:/ و اليوم زادت بك الهذره ..
عثمان الثبيتي :
وش نبا بَ الحبه اللي تزايد سوسها
و المنيحه جل قسمك حليب ديوسها
أكثر أشوار العرب مَ تجي من روسها
الله الوالي و لا غير الله الوالي ولي
من يزرع الخوخ و الرمان /:/ مَ ينتج شعير و إلا ذره ..
مَ فيه حجه بلا برهان /:/ إلا تعود بلا نذره ..
بندر غزاي المقاطي :
كنت أحسبك عون و أثرك شيطانً مريد
لَ المصالح تترك ثبيت من شان العبيد
ليتني تاركك جندي مَ رقيتك عقيد
الله الوالي و لا غير الله الوالي ولي
لن كنت عجل ماني عجلان /:/ لو العرب منك معتذره ..
وش حدك لَ فسحة الورعان /:/ الله يقطع هل البذره ..
شكر خاص مني و من أبو مشعل لَ كل من مر من هنا سواء علق أم لم يعلق ..
التميز
الإهداءات
رد: ماني مسلم على عثمان .. عثمان الثبيتي
