هذي القصيده عجبتني حييل بهديها لكم؟
حزمت أمتعتـي ولا أعـرف عناويـن
وتاهـت خطايـه وأفتقـدت الهـويـه
يا دنيتي كني غريب ( ن ) لـه سنيـن
لمـا رجـع حصّـل ديـاره خلـيـه
تقسين يا دنيا ، على ويـش تقسيـن ؟
من بعد ما فـارق خـوي( ن ) خويـه
خلاص ما بـه لحـن باقـي تجريـن
عليـه مــن نغمـاتـك السامـريـه
تلاشـت الأحـلام واستفحـل البـيـن
وتشتتـت كـل الــدروب الطـريـه
كن الفضـا يـا دنيتـي لـو تعرفيـن
سـم الخيـاط وكنّـه أضيـق شويـه
ما عاد باقي فيـك إلا أشيـن الشيـن
هاتيـه مـا يفـرق معـايـه مجـيـه
من محبـرة دمعـي بسطّـر وتقريـن
شعر ، ونثر ، وأهات روح ( ن ) خفيه
وفي لوحة( ن ) فيها عسيـر التلاويـن
تجريـد لآمـال( ن ) تحطّـم فتـيـه
بارسم لك اللوحـات واكتـب دواويـن
وأنتي وأنـا الأبطـال فـي مسرحيـة
ويا ليتها ترضـي غـرورك وتقفيـن
على كـذا فـي جـرح نفـس بريـه
وآخر طلب يـا دنيتـي بـس تكفيـن
سـؤال وابغـى لـه إجابـه قـويـه
يا دنيتـي بـا الله قولـي علـى ويـن
سكة قطـارك ماشيـه يـا الشقيـه ؟!
التميز
الإهداءات
رد: المليون رد (تحدي)
