بسم الله الرحمن الرحيم
مهداة للأخ الفاضل / صــــالح الـزقـدي ( أبونواف )
خذ العلم ياصالح وعطني سديد الشور = لعله يفيد العـاشـق المغرم اللي طاح
غزال ٍ لعب في حسبتي من ثلاث شـهور = أنا رحت لولا رحـمـة الواحد الفتاح
رماني وخلاني على حـامي التنور = حريق وغريق ولاسـفينه ولاسباح
أنا كيف أسوّي كان قفـابه المظهور = عسى الله يصبرني لو إن الغلاء فضاح
وأنا أشوف حظي تالي الوقت فيه قصور = محاصيل زرع (ن) مـاتهـنـابه الفلاح
تـهـنابه الـديّـان باالموعد المذكور = جلس يبترم بحدود زرعه تقل مسـاح
غدّت مثل حاله حالتي ضايق (ن) مقهور = أجاوب حمام الورق في عـالي الـملواح
أنا لو سهرت الليل ياالزقدي معذور = مع الحـائلـيـه يابو نواف قلبي راح
ألا يابعد حيّي هكالزول والديكور = عليه الله أكبرنور خده كما الـمصباح
وقف قال كيف الحال ياالشاعر المشهور = أنا من حمام الدار مـاني من السيّاح
رديت قلت بخـير ياالجادل الغندور = عطاني رؤوس أقلام لكن بدون إيضاح
عنود ٍ على صيـد الهواوي تجيد الدور = أنا اللي مهولني قتلني بدون سلاح
طغى بالحلاء والملح والجوهر المنثور = جرحني وفرحني ذ بحني وهو مـرتاح
غدرني وكدرني ترك خاطري مكسور = ترك لي غرابيل الدهر والسنين شحاح
خذاء الحال في بسمه وغنجه وكبر الجور = وخذاء الصبر مني في نهود ٍكما التفاح
وخذاء من ضلام الليل ومن الشفق والنور = أنافدوّته لكن سببها تروح أرواح
خذاء اللي خذاءواللي تركلي يجيه الدور = سقاني ولقاني جهنم وسدي بــاح
ياصالح لك الله لو يشوفونه الجمهور = مثل شوفتي له يلحقون الصياح صياح
صدوق(ن) بيوق(ن) عاقل(ن) جاهل(ن)مغرور=قريب(ن)صعيب(ن) كايد(ن)ماوراه أرباح
زريف(ن)لطيف(ن)لاخفيف(ن) ولامطيور= عطوف(ن) هجوف(ن)لين(ن)قاسي(ن)مزاح
صحيح الهوى قتال من وآقع المنضور = يسقيك من كاسات الأمرار بالمفوّاح
عسى ملتقى رجف القوافي لقاء دكتور = يداوي جروح ٍ مايداويهن الجراح
الشاعر/ مبارك طناء مبيريك التبيناوي
التميز
الإهداءات
الشاعر/ مبارك طناءالتبيناوي في قصيدة ألا يابعدحييّ
