مجالسية جميلة للشاعر عبد الكريم المزروعي الحربي شاعر المحاورة المعروف امد الله بعمرة
حبيت ان انقلها لكم لتستمتعوا بقراءتها
يوم الثلوث العصر جالس لحالي=ما عندي إلا واحدٍ من عيالي
محـضـر الـدلـة ومـرتـاح بـالــي=وأقــول يالله بالـهـدايـة طلـبـنـاك
قمـت أتشـرف مدخـل البيـت وأشـوف=وإلى الثنين اللـي لفـوا قالـوا ضيـوف
قلـت أقلطـو فالبيـت والبيـت معـروف=قالـوا نعـرف البيـت وأنتـه عرفـنـاك
قالـوا لفينـا للمحـل يـأبـن الأجــواد=بانشـرب الدلـة ونحلـف عـن الــزاد
بينـا تنـا دعـوى ومـصـدر ومـيـراد=وفرصـة سعيـدة يـوم حـنـا لقيـنـاك
قلـت أستريحـو بعـد سـارت خطـاكـم=مافيـه دعـوى قبـل أقــدم أقـراكـم
تستاهـلـون الـلـي يـكـرم لحـاكـم=والله يقـول تـكـرم الضـيـف لاجــاك
قالـوا تكـلـف ياعـسـى الله يعيـنـك=يامـعـزب الخـطـار تسـلـم يميـنـك
لا نحـقـر أنفـسـنـا ولا حاقـريـنـك=يابـو علـي فـي واجبـك مـا حقرنـاك
وبعـد القـرى قالـوا بنعطيـك الأعـلام=حنـا ثنيـن وبيننـا أشكـال وإخـصـام
أسمـع دعاوينـا وصـدر بهـا أحـكـام=نبـغـاك تحـكـم بينـنـا لا عدمـنـاك
قلت أسمحوا لي وأسمعـوا فـي كلامـي=مافيـه دعـوى قبـل أعـرف الأسامـي
يالـوا دعاويـكـم تـفـص العضـامـي=وابغى استمع دعـوى خصيمـك ودعـواك
قالـوا تبـى الأسمـاء نعلمـك ذالحيـن=حنـا البحـر والبـر كبـار السلاطـيـن
بيناتـنـا عـيـت تـقـر الـمـوازيـن=والحـق يرضيـنـا وحـنـا رضيـنـاك
ثـم قلـت للخصميـن هاتـوا معـاديـل=للـي تكمـل فـي حـقـوق الرياجـيـل
وأنـا حكـم وأفصـل الحـكـم تفصـيـل=والحق ماهو ضحـك مـع كـل ضحـاك
قـالـوا حسيـنـا للطـلـب وأحتسيـنـا=وجبنـا اللـزوم اللـي فرضتـه عليـنـا
حاضـر بحاضـر أستلـم مــن يديـنـا=وكـلٍ يسلـم مــن يميـنـه بيمـنـاك
قـال البحـر أنــا أدعــي فالبـدايـه=وأحـرر الـدعـوى عـلـى مستـوايـه
الـبـر ضيقـنـي وعـكـر صـفـايـه=وإلى نشدته قـال وش جـاك وش جـاك
زل الـحـدود الـلـي قديـمـه علـيـه=يزحـف برملـه كـل صبـح وعشـيـة
يخطـي وقـال أنـا مـا منـي خطـيـة=لايفـتـكـر هـــذا ولا يفـتـكـر ذاك
اوقلـت لــه يـابـر تــراك زلـيـت=وعلـى الحـدود اللـي قديمـه تعـديـت
وأنـا ترانـي مـن مشاكـلـك ملـيـت=شلـت الحـدود الفاصلـة بيـن الأمـلاك
دعـواي عنـدك وأبغـي الحكـم ضــده=أحكـم عليـه ورجـعـه عـنـد حــده
وإلـى استلمـت الحـكـم عـنـي ترده=وأنتـه حـكـم والله بالخـيـر يـجـزاك
البـر قـال : القاضـي اللـي رضيـنـاه=أسمـي صحـيـح الـبـر وآمـنـت بالله
وأجـاوب الـلـي مدعيـنـي بـدعـواه=والخصـم تحـكـم جابـتـه لا تـبـلاك
دعــواه كـيـديـة وزور و ظلـيـمـة=وأنــا مازلـيـت الـحـدود القديـمـة
ولا ينغنـم وهـوه مـا عنـده غنيـمـة=ما فيـه غيـر الملـح وعيـال الأسمـاك
أنـا أعرفـك يابـحـر غــدار غــدار=لا تعـرف الجيـرة ولا أتحشـم الـجـار
وإلى نصـاك الضيـف مـا تولـع النـار=لا ينسكـن وسطـك ولا ينشـرب مــاك
ما فيـك غيـر المـوج لا هبـت الريـح=تغدي كمـا المجنـون تضـرب تجاميـح
موجـك ورى الحـدان يطبـح تطابـيـح=جبـت الأذى للجـار لـو كـان مـا أذاك
قـال البحـر تبغـى تـسـوي فصـاحـة=وأنـا البحـر معـروف وأكبـر مساحـه
ولا أنتـه بقـدي لا بغـيـت الصـراحـة=لـولاي أخــاف الله تــراي أتعـشـاك
أنــا تحمـلـت السـفـن والبوابـيـر=تاجيـك بـالأرزاق مـن غيـر تأخـيـر
وأنتـه مافيـك إلا الرمـل والمعاصـيـر=وفيك السلم والمـرخ والحمـض والـراك
فيـه منافـع مـا يتحـاصـى عـددهـا=اللؤلـؤ والمـرجـان والـلـي بعـدهـا
واللـي عطاهـا واحـدٍ مــا حسـدهـا=رزقـي مكفينـي ورزقـك مـا كـفـاك
سبحـان رب الكـون ومـدبـر الـكـون=أنا الـذي فـي حكمـه أغرقـت فرعـون
وإلا أنت وش سويت ؟؟ خلك على الهـون=أنــا تحديـتـه بـعـد مــا تـحـداك
بالله من سيل القـرى وش حصـل لـك ؟؟=اللـي غـزاك مـن القـرى فـي محلـك
يـاكـم ليـلـة بالـدقـايـق يـزلــك=ولا تعـدانـي مـثـل مـــا تـعــداك
البـر قـال : البحـر أشـوفـك تكـبـر=وراع الكبـر عنـد العـرب مـا يعـبـر
مـا فيـك لا مسجـد ولا فـيـك منـبـر=مـا غيـر كثـر الهـرج بالـجـار زراك
فـيّـه بـيـوت الله ومـكـة وطابه=وفيـه قـبـور الأنبـيـاء والصحـابـه
والوحـي فـوق الـبـر نــزل كتـابـه=والله عطاني خيـر وإلا أنـت شـأعطـاك
قلـت الدعـاوي بينـكم وصلـت الـمـاد=والشـر مـا يـنـزاد والخـيـر يـنـزاد
والمـدعـي لازم يجيـنـي بـالاشـهـاد=لا زم تجيـب شهـود لأثبـات دعــواك
قال الشهود اللـي عـن الخصـم يقـدون=اللـي لمضمـون الشـهـادة يعـرفـون
مسكانهـم فالبـر مـا هــم بيـاجـون=وأنتـه تعـرف العلـم ماضـن يخـفـاك
وقلـت عـن البينـة كــان عـجـزان=بحكـم عليـه يميـن وتـروح قنـعـان
قال : ما أقنع والخطـى شـوف الأعيـان=لـو عشـر أيمـان تحكـم إلـى أعطـاك
ا وقـلـت يابـحـر تـقـدر تـجـمـل=باللـي حصـل قبـل الدعـاوي تحـمـل
وأنـا بـا صـدر حكـم حكمـي مكـمـل=وأنته بحـر معـروف مـا أحـد يتعـداك
الحكـم بعـد اليـوم مـا أحـد يتـمـدى=سـد الحـدود الثابـتـة مــا ايتـعـدى
واللـي يـزل الحـكـم منـكـم يــردى=وأنا صدر حكمـي علـى حسـب دعـواك
أنـتـم اثنـيـن مكملـيـن لبعـضـكـم=وإلـى توافقتـم مـا أحــد يعترضـكـم
هـذا العـلاج اللـي يـداوي مرضـكـم=إبـلاه مـا تكمـل ولا يكـمـل إبــلاك
وختامهـا صلـوا علـى مـن صـلاتـه=كتبت علـى المسلـم مـا دامـت حياتـه
محمـد الـلـي وصــف الله صفـاتـه=يالله لا تحرمنا ملاقاه وإرضاك
ودمتم سالمين
التميز
الإهداءات
بين البر والبحر
