بسم الله الرحمن الرحيم
مهداة للقيادة الحكيمة وللشعب السعودي الوفي عامه ولقبيلة شمر وخاصة السويد والعمود
وبالذات للأخ/ حمودبن نايل بن طوعان السويدي الشمري واللذي عفى عن جاره قاتل إبنه
وقام بطلب إطلاق سراح جاره وشاهد باب الجار اللذي منذ حوالي عشرون عاما لم يتم أقفاله لحظه
فأرسل من أبناء عمه يقولون للجار لايقفل بابه قدر الله وماشاء فعل وقام الجار بنزع الباب نهائاً
وقبل ذلك تنازل عن إبنه الأصغر الذي توفي نتيجة حادث مروري دهس لوجه الله تعالى جزاه الله
عنا خير ورزقه خيرا في الدنيا والأخره إنه سميع مجيب
خير البدايه في ذكر حلال صعبات الأمور = الواحد الفرد الصمد حي(ن) على خلقه بصير
يقول جَلَّت قدرته أحببكم العبد الشكور = والمبتلاء والمحتسب للعفو بالوضع الخطير
أبشر بخير وفي رضاء الرحمن يالعبد الصبور = جلّ جلاله جابر العثرات والعظم الكسير
كَرّم وعَلَم باالقلم خير الملاء والعلم نور = من بعد ذكرك ياإلهي هاض مكنون الضمير
زادالفخربأهل الشَرَف تشريف وأفراح وسرور = تشريفكم للحفل وأهل الحفل مقداره كبير
بدع المثايل شاقني قدر ومعزه للحظور = لو حَيََّرَتْ غيري بعون الله فكري مايحير
شعار شمر يوم قمعة بيد شيخ(ن) مايبور = يوم الفطاير ناركود أبكار ياإشتب المثير
بإسم الطنايا لابتي والناس مافيهم قصور = سبحانه الوهاب خيراته على خلقه كثير
من دون قاصر في قبايل نجد و الكذب معثور = طيور الفلاح مقسمه والحر له نهج ومسير
نقش(ن)على صم الصخريبقى على مر العصور = أفخر وأفاخر وأفتخر بك يازبون المستجير
أبفتخر بحمود إبن نايل وكم غيري فخور = إبن السويدي موقفه هذا فلا عمره يصير
موقف تفاصيله فخر لا أفتخر فيه محقور = وشمر لهم تاج الشَرَف بالعهد الأول والأخير
قدرآل سويد للابت إبن هذيل وآفين ال شبور = وإبن هذيل أكبردليل العلم بشداد البعير
عصلاء عمودي روس شمر والطناياء بالصدور = ماهي غريبه ياهل الطولات والفعل الشهير
تقول سجن الجار ماهو لك ولو دمك يفور = ولا تسولف به عباد الله كبيرولاصغير
نرفع لك البيضاء يابن طوعان والفعل مخبور = نبع المكارم من جبل شمر مسيله والمحير
عفوك لوجه المعتلي ماهو على شأن الظهور = الله يعفو عنك يابن العم ويجازيك خير
من شفت باب الجار مجفا قلت سبب لك فتور = من قو بأسك ياعريب الساس ياريف القصير
تأمر أمر و يشال الباب من حد الجسور = المصطفى وصى بسابع جار ياالوجه السفير
يالآدمي دنياك لو زانت تواليها دبور = العمر يفنى والعمل يبقى ولو طال المصير
ننسا وطبع الناس تنسا إنه على نقطة عبور = إلى الصراط المستقيم الخلد وإلازمهرير
الله عطانا نعمة النسيان والدنياء مرور = تفجع ولا تجمع ولا ترحم غني ولافقير
يارب تجعل بيت راع الجود باالعز إمعمور = شرفت هامات الشَرَف إخوان نوره والوزير
وفيت يوم أعفيت يعفوعنك تواب(ن) غفور = اللـه قَدَّر ثم قَدَّر مايشاء والله قدير
يالله تعين اللي صبر وتعز وافين الشبور = ياشعب أبومتعب تواصوا خير بإخلاص وضمير
المعذره ياالسامعين إذا حصل مني قصور = ماقل دل وياصلاة الله على الهادي البشير
الشاعر / مبارك بن طناء بن مبيريك التبيناوي الشمري
التوقيع
أنا ماهمني حامدوهامد= وقول الصدق نهجي يالعطوني
لناوسم(ن)على الأذهان جامد= ولا أظلم شخص لومهما عطوني
من الموصل لحد بلاد غامد=ولا جامل ولو كثرت شطوني
أنالا قلت بعدالصمت صامد=عظم حلقوم للي غالطوني
غضب بركان لوشفتوه خامد = أنا وإن ثرت لاتستبسطوني
بسطْوّة موهبه ماله ضوامد = عباقرت الشعر ما غلطوني
بِكَيَِّنْ ما تبرده الكوامد = أمعقدت الشوش ماورطوني
تطيب عقول وعيون الأرامد = محفرت اللحد ماخالطوني
أطوعهم وأطلعهم ثرامد= = شياطين البشر ماهبطوني
أوردهم قويات المصامد = بريئين الذمم ماشابطوني
يبين الصدق والتزييف سامد =رجالات الأدب ماسقطوني
أكيد أخطي ولكن غيرعامد=رجال المعرفة ماعابطوني
بعون المعتلي شاكر وحامد = معي سلطان لو ماسلطوني
ياضاع العرف بكبار الجلامد = على غيري ربوعي قلطوني[/
poem][/poem]
التميز
الإهداءات
الشاعر/ مبارك طناءمبيريك التبيناوي يشكر إبن طوعان
