هذه المحاورة التي جرت مساء أمس بين راع الصدق و بن هليل
على شبكة القوافل العربية
راع الصدق
يابن هليل شد حيلك واحتزم ياالاجودي=الليله الليله ترى ماهي سوات البارحه
قدامك الميدان والميدان حزم(ن) جرهدي=اقدح بزندك يارفيقي مع زنود(ن) قادحه
بن هليل
الدرب قدامك وحذرا يـا رفيقـي تحتـدي=معك عيونك شوف وين الضاويه والسارحه
أنا على عهدك وسيفي يالعتيبي في يـدي=ياكم واحد طاعنـه بالسيـف والا جارحـه
راع الصدق
انت المخير يارفيقي وش تحب ونبتدي=والحاليه ياصاحبي ماهي سوات المالحه
مااقول فيك قصور فالميقاف عزي وسندي=والذيب مايرقد ليا من شاف فرصه سانحه
بن هليل
إن جاتني منكم كبيرة قلت زله يا ولـدي=وإن جاتكم مني أبوكم والأبو بتسامحـه
خلك معي بالدرب لاتقعد خلافي وبعـدي=أنته وأنا من فاز بالطاروق محد(ن)مادحه
راع الصدق
مادامك انت بحسبة الوالد فانا ماني ردي=اعز مقدارك وصدرك بالمعزه شارحه
ياعار فتنا كيف اجي قدمك وحضرتك القدي=العود يابو زيد ورثك العروق السابحه
بن هليل
قود المعاني قودها خل السوالف تهتدي=ترا صلاتك ما تتم ليا تركت الفاتحـه
ودك تحج قران والا حجتك بالمفـردي=العمر يفنى ما يدوم الا العمال الصالحه
راع الصدق
الفرق واضح بين من هو ملتحي والامردي=واللي سنونه طافحه قالوا سنونك طافحه
الاوله نذبح فدي والثانيه مابه فدي=لكن نويت الاوله حتى تحوم الجارحه
بن هليل
أشوف نارك يا وسيع المعرفه بترمدي=قرب حطبها شبها ماعاد فيه مصالحه
أما شويتك جوفها والا بغيرك تفتـدي=دام الشرا والبيع جائز والنظام مرابحه
راع الصدق
ترى الغرور يدهو ر الواحد وفاالدرب يغدي=ماعاد فيه مجامله مافيه غير مصارحه
ماينشوي غير الفراش اللي على النار يعدي=والله عوين الطيبين اهل الوجيه الفالحه
بن هليل
نبا نخليهـا ثنيـة والسعـد للمسعـدي=العرب ما عاد تاكل من لحـم القارحـه
بيض الله وجه أبو فواز رجل(ن)أجودي=والسوالف كلهـا ياصاحبـي امازحـه
التميز
الإهداءات
محاورة راع الصدق..و..بن هليل
