هذه المحاورة التي جرت بين أمير الذوقـ وعادل الثبيتي
مساء أمس على منتديات القوافل العربية
صحت السنتهم .... وبنتظار منازلات قادمة
أمير الذوق
قوم ياعادل وخلك على ركبة وساق=عندنا علم(ن) بعشرة شهود موثقي
المدافع مرجفة والعراقي فالعـراق=وانت لاشفت المدافع تذل وتتقـي
عادل الثبيتي
والله أني مانويتـك عليـه بالطـلاق=مار عطني علمك اللي لعله يصدقـي
انت شفت المدفع وجيت هايش بالمداق=والعراقي مع مرور الزمان بيرتقـي
أمير الذوق
الجمال منوخة تحتري وقت السباق=شد حيلك واحتزم يمكن انك تسبقي
يالمطوع خل عنك التغطرس والنفاق=كيف تبغى الناس تسمعك وانت منافقي
عادل الثبيتي
البعير شعيل من حملته جاه الفتــاق=ووانت تبحث عن جمال(ن) تطب تسابقي
المطوع من هواجيس نومه ساع فاق=مار انا خابرك له يالامير مرافقي
أمير الذوق
به حمول تطاق والا حمول(ن)ماتطاق=وانت شيل اللي تطيقه متونك وارفقي
المطوع يحسب انه على ظهر البراق=والمخايل فوق راسك وراسه تبرقـي
عادل الثبيتي
الجمل من بعد كبرت متونه مايساق =مار يبشر ياعميلي بضرب المطرقي
وش تسوي لو يزعل عليك ولو ضاق=كان شمسه فوق راسك تغيب وتشرقي
أمير الذوق
انت جمال وتعرف الرباع من الحقاق=رد سوطك لا يظلي بجنبك يطبقـي
الزعل مالـه عليناطريـق ولا رواق=وان بدانا في طريق الوفا مانفهقـي
عادل الثبيتي
البشر وصلت نجوم السما يابو نياق =وأن غدت ياجعلها ياولد ماتنلقي
بعد راق القاف والجو يالاجواد راق =غير الرحله وانا خابر أنك مذوقي
أمير الذوق
احمد الله طيبنا دوم ممتـد النطـاق=والمراجل راس مالي بكدي وعرقي
جودوا مجنونكم يالقوافـل بالوثـاق=قبل لاتشتب نار(ن)سناها يحرقـي
التميز
الإهداءات
محاورة أمير الذوقـ و عادل الثبيتي
