ياموت روحي عليـك اليـوم بهديهـا

ولّـي حيـاة الندامـه ويـش تاليـهـا
ضاقت علـي الوسيعـه ويـن باولّـي

اطمّـن النفـس ادلههـا وارجويـهـا
واقـول يمكـن لياليهـا بيصفـن لـي

مير الليـال حرمتنـي مـن حلاويهـا
وصارت مع الهم والهوجاس خصمن لي

اون مـن ضيقتـي وانصـت واثنيّهـا
والى مشيت الهموم القشر يبـرن لـي

لاضاقت النفـس مابـه مـن يسليهـا
ورفيقي اصبح مع حظ خاين(ن) لـي

انـوم بالهـم واصحـى مـع بلاويهـا
واهرّج النفـس وحـدي مابـه مسلّـي

ياموت روحي عليـك اليـوم بهديهـا
والله ان تقـوم القيامـه مابـرد غلّـي

اخير من دنيتـن مارتحـت انـا فيهـا
سمحت مـن زينهـا والـدّق والجلّـي

وانا ادري ان علم نفسي عنـد واليهـا
مير اتمنى وفاتي يومهـا اهـون لـي

تقطّعـت بـي مـن الدنيـا عراويهـا
انا ابرم الحبـل واثـر الحبـل ينفلـي

لاوالله الا خلصت ورحـت انـا فيهـا
من دون في دون لين اقفيت انـا كلـي

والله لـولا صلاتـي يـوم اصليّـهـا
ولله اهلـل واسبحـن عقـب ماصلّـي

لصير من جملة اللـي فـي ملاجيهـا
امشي بلا عقل وجنانـي حليفـن لـي

يالله ياخـالـق الدنـيـا ومفنـيـهـا
بامرك يغيب الهـلال وبمـرك ايهلـي

نفسن لجـت والتجـت بـك لاتخليهـا
ماغيرك احدن الى ناديت يفطـن لـي

ارحم مسيكينتـن ترفـع لـك ايديهـا
واصلح لها الشان والترحـال والحلـي

ماغيرك احد عليـه الحـال اشكويهـا
يضيع من جنّبـك ويجيـك مـن دلـي



مما راق لي...


الظامية

الضاميه

سلمت يمينك على هذا الاختيار

الراااائع والجميل فعلا اختيار

موفق قصيده في غاية التميز

مليئه بالحكم والدرر الثمينه

شرفني ان اكون اول من

تصفح هذا الابداع الجميل

لك التحيه والتقدير

الظاااااامية ,,, سلمت يداك ,,, وسلمت ذئقتك المجنووونه ,,, الحزينه ,,,


اتمنى ان احزن طبع فقط ,,, وليس شئ اكثر ,,,


والله لـولا صلاتـي يـوم اصليّـهـا
ولله اهلـل واسبحـن عقـب ماصلّـي






هنا الملجأ الحقيقي لكل ضيقة ,,, ولكل مايعتري قلب الانسان ,,,





الظامية ,,, كوووووني بخير





الظامية ,,, ننتظر جديدك





الظامية ,,, تحياتي

الرائعـه لاتجلب إلا رائعً
والرائع لا يأتي إلا من رائعه

سلمت يمينكـ ..وصح لسااانك ...ولسان شاعرها ...
قصيده في غاية الجمال والروعه..ْ
ألف شكر مع التقدير...
وألف باقة ورد لذائقتكـ السامية.