الرجل ما ترعبه لباسة لثامه..!!!

السلام عليكم ورحمة الله وبركاته


هذه الأبيات بمناسبة قصيدة الشاعر


مبدع القاف الترحيبية بالشاعرة .....الظامية


فحبيت أجاريها وأضم ترحيبي الى ترحيبه وعلها تروق لكم

يالظامية منتدانا سره حضورك=كل(ن)على الشعر قام يسوقه إلهامه
هلا بمنطوقك الطيب ومجرورك=الشعر مفهوم راقي وأنتي وسامه
يالظامية صفنا قدام باكورك=والرجل ما ترعبه لباسة لثامه
لو كان ودي أعرف بريحة عطورك=لكن ماني من اللي يحني الهامه
بعد الأيام وأعرف باقي شهورك=الله يعيد الزمان الزين وأيامه
ابنتظر لين أشوف برفة طيورك=ويجيك مني خبر الحبر ببهامه
لا دار بابور بحرك وأدرج سيورك=اما الجمل طاح والا طاحت اللامه
واليا عرفنا بموجودك وميسورك=كل يشمر ويرفع طايل أكمامه
إن كان مغرورة بروق غرورك=الكف بالكف والقامه لها قامه
ما همني لو تعلا بالسما سورك=كثير قبلك تمرد وأعلن إسلامه
اليا زما موج بحري غرق بحورك=والشعر ما يركع الا عند حكامه

اليا زما موج بحري غرق بحـورك
والشعر ما يركع الا عنـد حكامـه


الله الله



صح لسانك مليااااااار ولا يكفون




كعادتك مميز



لك خالص الود

إن كان مغرورة بـروق غـرورك=الكف بالكف والقامـه لهـا قامـه
ما همني لو تعلا بالسمـا سـورك=كثير قبلك تمرد وأعلـن إسلامـه
لله درك يابن هليل=
اجادة تستحق الاشادة=
صح لسانك وبيض الله وجهك=

بن هليل

صح السانك قصيده جميلة مميزة

وتستاهل الظامية الترحيب الجميل

لك تحيااااااااتي

صقر عتيبة

صح لسانك وعلا شانك



وافية من وافي



بيض الله وجهك



لك خالص الود

كفو والله يابن هليل

متميز ومتألق ومبدع

كعادتك حفظك الله

تقبل مني اجمل

تحيه واعذب تقدير

معذرتا ابن هليل على التأخير

أشكرك على كرمك ونبلك وهذة الحفاوة بالتكريم

وهذا المنتدى كان يجب أن أتواجد بة من بداياتة

والله انا اللي لي الشرف بإنضمامي إليكم

وأتمنى ان أكون عند حسن ظنكم جميعاً

ألف شكر لك على كرمكم

وصراحة انتم عطيتوني فوق حقي

(( وللمعلومية اقول انني لست بشاعره ))

انا متذوقة فقط بالاضافة لبعض الخربشات البسيطة

وياليت اكون شاعره


تقبل فائق احترامي

الظامية

عفوا

لكن الأبيات ماهي ظاهرة لي

تراني تحمست عليها

ما همني لو تعلا بالسمـا سـورك
كثير قبلك تمرد وأعلـن إسلامـه
اليا زما موج بحري غرق بحـورك
والشعر ما يركع الا عنـد حكامـه


صح لسانك واعتلى شاانك

مميز ومبدع ما يحتاج ابن هليل

تقبل مروري