ابيات لم تنشر لبديوي الوقداني

اربع معاني شكيل الناس قاضبها=ومن غر منها ترى ماهو برجالي
الاوله بندق توجع مضاربها=يجيلها في نهار الفعل زلزالي
والثانيه حلة توفي بواجبها=يعبا لها الكيف في محماس ودلالي
والثالثه حرة تزهى جنايبها=ليا بدى النوب نادوا طيب الفالي
والرابعه بنت عمك لاتصاحبها=واحذر لها بالنظر من يم الانذالي
والبل هوى البال والخاطر يفوز بها=ليا جمعها المشايع جالها تالي
حليبها فالمناره مايغايبها=وعيالها فالجموع تقول الاوعالي
والضان زانه لكن الوقت يعطبها=يجيلها في نهار الشتو سروالي
واخس ما في المراجل يوم احسبها=حمر البقر ياصبي طوال الاذيالي

الله الله


ابيات جزلة من شاعر الجزالة ,,

فيه قوة وبساطه ,,


الله يعطيك العافية يابو فواز


ومشكووور على هالنقل الجميل ,, والاختيار المميز ,,



تقبل تحياااااااااااااتي

رحم الله بدوي



شاعر لا مثيل له


مشكور على الطرح الأكثر من رائع



لك خالص التحية

راع الصدق

مشكووور على الطرح الجميل المميز

الله يرحمه ويسكنه فسيح جناته

لك تحيااااااااااتي

صقر عتيبة