الشاعر: نايف محمد الرويلي يقول:هذه قصيده سبق ووجتها لأخي الشاعر القدير سعود المحجان
وقام بالرد عليها مشكوراً
أليكم القصيده ورد الاخ سعود عليها
بنت أبوها اخت اخوها شـذرة البنـت النديـه=بالمحاسـن عذربوهـا مالقـو فيهـا خطيـه
صيرميه بالحـلا والـذوق ياهـي صيرميـه=تخجل الاذواق منهـا والحـلا شهـد بخليـه
أشهد ان البيض معها حاشيـه برفقـة معيـه=قايـده للريـم عفـرا ماتـهـاب المعمعـيـه
بالسجايـا لـه مزايـا دون خفـرات الرعيـه=كم به أرماحً تشاكل كم لـه سيـوف محنيـه
شَعرها للنحر طيـه طيـة مـن فـوق طيـه=خرمسيـس معربـدً كنـه بليـل المهمهيـه
فيها أحجـاجٍ اهلالـه واحـد بالشهـر زيـه=الله سبحانـه عطاهـا ملـح فـوق الجاذبيـه
ورمشها يدعيه جفنً شوقه أضنـاه أضحويـه=ياتسلهم رمشها جاء جفنهـا يسبـي خويـه
وله ثمانٍ كنهم ضبـاط فـي صـف السريـه=لاتبسـم ثغرهـا تـوووتً عليـه السكريـه
سنها مفلوج وسطه يسلـب الـروح المنيـه=مالعبت في قلب نايف غيرهـا ياسعـود بيـه
شفتها ماشفتهـا او شفتهـا ماهـي القضيـه=القضيه كـان حظـي ماجمـع حظـه عليـه
ان مشت يمشي وراها الزيـن كلـه ياهنيـه=كنهـا القايـد تبختـر ديكتتـور بعنجهـيـه
فيها صولـه بعـد جولـه للقلـوب الراعبيـه=مني جوله بعد صوله ومسـك زمـام القضيـه
شوفي لمسي ذوقي شمي كلها هاضـت عليـه=مثل جرح ًغايراً صدعـه تقـرح مـن خويـه
زفو له خيـرة سنـام المجـد وختارالطنيـه=مايبيها مايبي غير البدور اللي خذت قلبه سبيه
أرعدي يانجـد كلـك هلـي بيضـك مهطليـه=وبرقي يالشرق الاوسط صفوة الحور الصفيـه
كل من قالت أنا حوا فداها.. غيرامـي مافتديـه=آه ياليت القدر يشبع عيونٍ.. دوم لعيونه شقيه
ياسعـد منـوة خويـك تجمعـه دار بخويـه=يابو محجان انتخي بك افزع افـزع منجديـه
وأن حصل ماصار قسمه مايهـم اللحـد ليـه=بس قله مـن رسمكـم يفتديكـم فـوق حيـه
وهذا هو رد اخي الشاعر سعود المحجان
باسم من ارسل محمد وصطفى خير البريـه=اشهد انه ربـي الله وارسـل محمـد نبيـه
ارحب ارحب عد ما لاحت بروقٍ بالحويـه=كل بـرقٍ لااح برقـه وستلجـت مسمعيـه
ياوصايف في حروفٍ مالهـا غيـر التحيـه=كل شطرٍ فوق شطرٍ وافي المعنـى وذيـه
عادة الشاعر محنك بالاحـروف الابجديـه=بين شوق وبين حب ولا هي ليلى الاخيليـه
بنت ابوها اخت اخوها اطرق اعظامه طريه=يعني وصفه في حسابي ميتيّـنٍ فـوق ميـه
حرّك الشاعر مشاعـر لاظهـور ولاخفيـه=لاظهـور ولاخفيـه والمشاعـر لولبـيـه
واقعيـه والليالـي فـي صدفهـا واقعيـه=كان شفت اللي تقولـه واعـذاب السامريـه
اجوديـه عالميـه بنـت رجـال اجوديـه=يعني في معنى الصراحه اجوديـه عالميـه
ونت صرت الها ضحيه والمشاعر ساحليـه= لاتحسف كل يوم اتشـوف بنـتٍ بابليـه
قد عشقها من تشوف اللي في وجه جاذبيـه=ابدويٍ لبدويه وحضـري يلقـى حضريـه
ونت حظك يالرويلي جيت متأخـر شويـه=والعلوم المقدميـه ماهـي مثـل المقدميـه
ابشر اني ماتهاون لو نسوق الهـا المطيـه=عيني عينك سمعي سمعك والمحازم محزميه
اظرب ابكفي جمودٍ وتـرك الباقـي عليـه=لاتقـول سعـود للفزعـات مابـه قابلـيـه
الجمال اللي تقولـه لايغـرّك فـي مجيـه=من صبغ فوق الخدود وبالحقيقـه مجكريـه
والخفيه يالرويلي ماهـي مثـل الظاهريـه=صار عشقك شافعـيٍ والمشاعـر حمبليـه
والليالـي شاعريـه والعواطـف شاعريـه=ولاتقول البنت هاذي تسوى مليـون اجنبيـه
قلتها ابشر وحاضر مير انـا وشهـو بديـه=غير فزعـه عالميـه والهنـادي شاهريـه
والحروف الابجديـه حاضـراتٍ مطبعيـه=والمواقف مالها غير الرجال اهـل الحميـه
دمتم بخير
التميز
الإهداءات
قصيدة : الزين كله
