دوروا لي عندكم معنى لكاكا !!!

السلام عليكم ورحمة الله وبركاته


خاطرة شعرية

يا مفسرت الحروف الأبجديه=دوروا لي عندكم معنى لكاكا
كل منشد واحد(ن)يضحك عليه=وإن سألته ليش يا مخلوق كاكا
قلت بنشد من يعرفون الخفيه=فيه فرق(ن)بين كا وبين كاكا
مشكلة واجهتها صعبة قويه=يمكن القا حلها وأعرف ذكاكا
مشكلة يا كبرها وأكبر بليه=كان طحت بواحد(ن)هاثم ذكاكا
فرقوا لي بين ذاك وبين ذيه=حيرتني يا عرب هذا ككاكا

جزله وقويه يابن هليل ..

والحل عند الشعراء بلا شك ..

أنا ماني بشــــاعر .. لاكن

لقيت لـ بيت واحد منها تفسير ..


فرقوا لي بين ذاك وبيـن ذيـه
حيرتني يا عرب هـذا ككاكـا

أعتقد تفسيرها كــ مثال على اي شي في اي معنى للمثال ..

والمذكور في البيت كاكا .. وبالمثال تصير كاكا

ننتظر الشعراء ..

يمكن عندهم حلهاااااا ...


خالص ودي

انت ابن يعرب ونسل اليعربية=كيف تجهل كل مايعنيه كاكا
لو سؤالك في زمان الجاهلية=كان يمدي عالم النحو اشتكاكا
وان بغيت العلم هاك المقدرية=من ثلاث حلول مافيه افتكاكا
وحدة تبدي على نفسك شوية=بعد مازود عناء الدنيا بكاكا
تصبح البسمة على وجهك بهية=واضحة من دون تزييف وشكاكا
وان وضعت الهمز فوق الف وخويه=قالوا انه لك فالقول وتكأكأ
يمكن ان الثالثة شر البلية=والبلا لا صار فالعلم احتكاكا

وسلامتك يابن هليل

صح لسان شاعرنا ابن هليل وصح لسان امير الذوق وبيض الله وجيهكم تقبلوا تحياتي بكل ود واحترام

البلا ياكيف ترضى بالهفيه= تعطي المسكين(ن) دفعه ثم جاكا
لومنا فوق الرياجيل الابيه= كيف تقبل به وتعطيه اشتراكا
ابك حنا من رياجيل عذيه= مادخل في صفنا مثله هكاكا
مير لا اشوفه يوطوط لي هنيه= احذفه يالذيب يسعدلي مساكا

لاتنّشد عن تفــاصــيل القضــــية *** بالعتيبي يالثبيتي .. ماعلاكا .. !!

يمكن ان اللي تســمابه ضـحـية *** من ضحايا النفط .. لاربي بلاكا ..!!

جيل الاندومي ..وطبختها الهنية *** صارت بلهجاتهم .. معنا تحاكا .. !!

قال كاكا .. يحسب ان مافيه زية *** مادرى ان كاكا يعيبه اسم كاكا ..!!

للجميع الشكر والتقدير


وصحت السنتهم وبيض الله وجيههم

بيض الله وجه من رد التحيه=من الجنوب ليا حدودك يا سكاكا
الردود الوارده مية بميه=والقصور النايفه ماهي دكاكا

والمجال مفتوح للجميع


والقافية سهلة


المغمض يشوف


لكم كل الود والتحية

«®°·.¸.•°°·.¸¸.•°°·.¸.•°®»صح لساااااااااااانكم جميعآ يامبدعين«®°·.¸.•°°·.¸¸.•°°·.¸.•°®»