يـاريـوف ياعـلـك بحـالـي تـروفـيـن=ليا قل شوفي وانحنــت بي عصايـه
يـمـيـن بـمن نـزل تـبـارك ويـاسـيــن=انك قمر عمـــــري وكوكـب فضايـه
أدراك بالخـاطـر واعـامـلـك بالـلـيـن=وارجي عســــى الله مايخيب رجايه
احـب مــن حـبـك واعــاد المعـاديـن =وادعـــــي لك الله بالستـر والهدايـة
فقـدتـك الـبـارح وجـريـت صـوتـيـن=هـــاذي وهـي ليلـة وعنـد انسبايـه
كلـه غـلا ياويلـي أثــر الـغـلا شـيـن=اللــــــــه واسـالــه لايـبـيــن غــلايــه
مـن حبـهـا حبـيـت كــل الصغيـريـن=صــــــارت محبتهـم بقلـبـي هـوايـة
عودتـك الممشـا عـلى شان تمشـيـن =أشـد بالثنتـيـن واقـصــــر اخطـايـه
وليا بكيـتـي قـمت اهـلـل وتصغـيـن=واحـيـان اغنيــــــــلـك وارددغـنـايـه
يضـيـق صــدري لاسمـعـت تونـّــيـن=واجر صوتـي مـــــن خـلاي بخلايـه
وان جيت ابا اقفي عنك لديت بالعين=الـــــــدرب قـدامـي واطـالـع ورايــه
رد الـوفا يـاريـوف مابـيـه هالحيـن=ابـيــه لادارات عـلـيــّــــــه رحــايــه
ابيه لامـن صارت العشـــر ثنتيـــــن=اليا تركونــي عزوتــي واقربـــايه
وابـيـه لامـنـه غـــدا الـلـيـل ليـلـيـن =لاشتـدت الأيــام واضـلــــم سمـايـه
وابـيــه لاعـــزوك فـــي الـمـعـزيـن =تدعيـــن رب البيــــت يغفـر خطايـه
اليـا كـتـب ربـي فـراق المـحـبـيـن =ثـم ادفنـــونـي لابـتـي واصدقـايـه
تـوك صغيـرة ســن منـتـي بتـدريـن =والعــــالـم الله وش تكـون النهـايـة
امــا التفتيـلـي وزيــن عـلـى زيـــن =وإلا رميتـيـنـــــي بـــدار الـرعـايـة
منقول
التميز
الإهداءات
يـاريـوف ياعـلـك بحـالـي تـروفـيـن
