موج البحر غنى

موج البحر غنى على الشط موال= والغيم بدل حرقة الشمس بظلال
والورد فتح والمطر حيل همال={سبحان ربٍ شكل الكون بتقان}
الجوف يصرخ والحنايا تسمّع= والهم في داخل عروقي تجمّع
والنفس في شوفت غلاها تطمّع={عزي لمن مثلي على الوصل شفقان}
القلب متعب والجوارح حزينه=والخل غايب والمفارق غبينه
ياكيف كفي فارقتها يمينه={بعد الروا ياناس عودت ضميان}
العين تسال تالي الليل عنه=والثغر ودع ضحكت العام سنّه
والكف عيت ترفع الزاد منه={والحيل مامن زود كل يوم نقصان}
الوصل كايد والرسايل كسيفه=والقلب ماله سلوة عن وليفه
يزور قلبي لمرح الناس طيفه = {واسج واسرح واحيي الليل سهران}
الدار وحشه والزوايا كئيبه=والوقت عيا صوبنا لا يجيبه
الجرح مخْطر لا تاخر طبيبه= {وانا طبيبي تارك الجرح دَمْيان}
ياسارق الوجدان روحي تلوّت=هذي كفوفي من دموعي تروّت
ليتك تجي وتشوف وشلون سوّت={نارالهوى في داخل القلب يافلان}


-------------

الطواش

جميل جداً طرحك

وصح السانك قصيدة جميلة مميزة

ننتظر جديدك ونقلك المميز

تقبل تحياااااااااتي

صقر عتيبة

اشكر لك كلماتك الراقيه

وعذوبة تعبيرك

دمت مبدع الكلمه

والنقل المميز والراااقي


كل الود