رد على قصيدة الشيخ ابن هليل(وين المطوع)

ودك تقلي صل واقول لك صل= والله عليم بما بقلبي وقلبك
جاك المطوع ماتوانى ولا كل=واللي يحج البيت لازم يلبك
بعد الندا كل المطاليب تسهل= نبيتني وانا سعيدن بنبك
من طيب قلبك تنصح الفرد والكل= ولا اقول غير الله ينير الك دربك
انته فهيم وتعرف الحرم والحل= واللي سمع نصحك تشرف بقربك
ياعد صافي كل من جاه ينهل= ارويت شرق الدار وارويت غربك
الله يبارك فيك ياطيب الدل= ويصلح لك اللي جابه الله بصلبك
مشكور ياراع الوفا ومتجمل= الله يبارك في طعامك وشربك

يا مرحبا والدرب مفروش بالزل=والبيــت جنب البيــت طنبــي بطنبك

وفيت ما قصرت رد(ن)مكمل=مثل العسل بالسمن وحلوى المشبك

اللعب بالميدان ماهو تسلل=السيف سفي والطعــن طعــن خلبـــك

مشروبنا بن(ن)يماني مهيل=والصــف واحـــد واللــــــوازم تشـــبك

صف(ن)عدل ما عاد يحوج معدل=ياقــف بوجه الريح لو كــان هبـــك

حتى ولو فينا خبول ومهبل=يضفــي عليـــها ســتر عبــي وعبـــــك




صح لسانك وبيض الله وجهك


راعي الجزلة ما تجيب الا كل وافية


تقبل خالص تحيتي

هذا من طيبك وطيب معدنك وانت راع الوافيه ياشيخنا الفاضل تقبل تحياتي بكل ود واحترام

راع الصدق ...





وافي وافي وافي ...



صح الله لسانك وماقصرت .. قصيدة جزلة كعادتك ..


تقبل اعجابي وودي واحترامي لك



مبدع القاف

صح لسانك مدد



جزلة من راس جزل



بيض الله وجهك



تقبل خالص التحية

صح السانك يا راع الصدق

و صح السانك يا بن هليل

شعراء فحول ولو يقابلكم المتنبي كان ضاع بينكم

هههههههههههههه


لكم جميعا تحيااااااااااااااتي

صقر عتيبة