أكمل القصيدة السابقة ؟؟؟

ورجعـت ادور الواقـع ولكنـه لـقـا حتـفـه =تأخـرت وزمانـي مايقـدر عجـلـة ايـامـي
وحتى الورد من حظـي وسـوءه فاتنـي قطفـه =وانا اللي كنت اظن انه يجي مـع طقـة ابهامـي
وانا ياسائلي قلبي ضعف واحترت فـي ضعفـه =بعدما كـان قلبـي فالمصايـب درع وحزامـي
وشعوري كان تسألنـي كأنـي راشـفٍ رشفـة =من الموت الحمر او كيـةٍ مـن ميسـمٍ حامـي
وصحيح اني وقفت وكانت الوقفة هـي الوقفـة=ولكني وقعـت الوقعـة اللـي تكسـر عظامـي

قصيدة الشاعر المبدع دائما فهد الغيداني (مشرف احد المنتديات)

وين طلبك


تراك خرجت عن مسار الموضوع

فالمفروض تطرح جزء من قصيدة واللي بعدك يكملها



وصح لسانك يا ساحر القلوب

وعسى قلبك ما يجيه البأس


لك خالص تحيتي

هلا بك أستاذنا شاعرنا المبدع



ترانى على مسااااااركم لا هنت



قلت انتظر و أعود لكن سبقنا الخير منك يا وجهه الخير


صحت اختياراتك الرائعة


لى عودة

إليكم المطلوب





فرصه سعيدة فغيبتك روح ما أبيك
..........................فـعلاَ ترى من جد ..فرصه سعيدة
تعبت الملم.. بعْثََرتْك بخطاويك
.......................وأنت بخطاك اليوم..... صاير وليده
سبحانه الله كيف غيّر مباديك
.........................كيف القرابه لك ... صارت بعيده
بلاش لو تسمح ترى القلب ناهيك
......................... عن التعامل... والمشاعر مكيده
الله وكيلك كل ما حاول ارضيك
..............................تجرحني اكثر والليالي تعيده
يعني خلاص الشوق ماعادله فيك
...............................ابشر انا حاظر جروحك تجيده
قلبي مغفل دايم الدوم يدعيك
................................ الليله لازم اكسره في حديده
اذلف ذلفك الله على الحال ينهيك
.......................... اذلف ولا تفكر بصفحه جديده
القلب صيّادٍ يبي صيدته فيك
........................... صيده وطارت .؟ فيه الفين صيده
انا الذي بالشعر اشعل لياليك
.......................... جن القصيد اليوم يطلق عبيده
والله لأهجيك بقصايد وابكـّيك

نبي المطلوب لاهنتوا


الفرصة محدودة


تحياتى

صباح الخير



مساءكم وين القصيد

طول الوقت وينكم















بالانتظار

الساحر

هذا مطلوبك لا هنت

تكملة القصيدة هو

والله لأهجيك بقصايد وابكـّيك
............ حتّى في حلمك راح تلقى قصيده
واقعد اذكّر فيك والشعر هاجيك
............ .شوف الشعر وشلون لا فك قيده .
تذكر هذاك الحب .؟ لأجعله يبكيك
.......... تذكر هذاك الشوق ..؟ والله لأبيده
تذكر هذاك النور..لأجعله يطْـفيك
........... تذكر هذاك القلب .. لأقطع وريده
أنا الذي جيتك على الحب هاويك
............طفلٍ يدور شمعته..... بـ يوم عيده
أهديت لي جرحٍ وأنا اللي مداريك
........... يلـعن أبوه هال حب..ضيّع حفيده
يجزيك رب الخلق بالجرح يجزيك
......... شاطر وغلطه .. ضيعت له رصيده
حتى ولو تطلب غلا القلب... يبديك
........... لأعلن سفر دربه.. وأنا كسر بريده
اسمع شـ يقول القلب لا جاه طاريك
........... نبضه يغنّي ....قال: فرصه سعيدة


لكم التحية

حياك ملك القلوب


و صباح الخير



ما أكملت المطلوب من هو الشاعر تدرى طال الوقت و نسيت لمن هو




و ننتظر منك القصيدة لا تخرج عن المسار مثل ما عملت و نعيد السالفة





حياك مليون

القصيدة السابقة


للشاعر: عبدالله النافع


والله أعلم


وإنتظروا من القصيدة الجديدة

اليكم القصيدة المختارة


أكملها ومن قائلها؟

من بنات الفكر اسجل ما بدالـي=انتقي جزل المعاني يـوم اقـول
كل ما بالكـون عـده للزوالـي=غير وجـه الله تعالـى مايـزول
الجديد يصير بعـد ايـام بالـي=جدتـه لوطـال لايمكـن تطـول
مع مرور الوقت يرخص كل غالي=تذهـب اللـذات ويقـل القبـول
الشجر لاجف ما جالـه ضلالـي=تسقط أوراقه وغصنه في ذبـول
الشباب يشيـب لاجالـه مجالـي=واخر ايامه على اللوح محمـول
تجـري الأيـام وتمـر الليالـي=والسنين بحـال دنيانـا تصـول
العمر ينقص ويفنـى لا محالـي=لو تعاقب فيـه دورات الفصـول
والدهر محتوم يفتك مـا يبالـي=والمنايا بيـن خلـق الله تجـول
يا بن آدم في حياتك مانت سالي=لو وصلت أعلى درجات الوصول
كيف تنسى منزلك قبـر هيالـي=حفـرةٍ ظلمـا مناظرهـا تهـول
لا نزلت القاع من عقب المعالـي=وصارت الكثبان من دونك تحول
ما معك مخلوق تنزل فيه خالـي=مالك إلا ما فعلتـه مـن فعـول
يسألونك فيه عن عدة خصالـي=منكـر ونكيـر يبغـون الحلـول
يوم حر الشمس فيه يزاد صالـي=والعرق يجري كما جري السيول
ينظرون العلم ويش يصير تالـي=مرخيين الروس بأشـد الذهـول
والصحايف باليمين وبالشمالـي=نازلـه بيديـن راعيهـا نـزول
والصراط امتد من جـالٍ لجالـي=فوق صلوا النار مايثبت جفـول

بنتظار ردكم

و هذ طلبك

والصراط امتد من جـالٍ لجالـي ,,,فوق صـــلوا النار مايثبت جفـول
ذا يمره مثل بـرق فـي خيالـي .....وذا يطيح وذا يقـــوم وذا عجـول
منهم اللي مسكنه بجنـان عالـي ..ومنهم اللي بأسفل النار محبـول
خالديـن مخلديـن بكــــل حالـي ....التقي مــــرتـاح والعاصـي ملـول
ذي حقيقه واقعه ماهـي خيالـي ....قلتها واللي عـــرف مثلـي يقـول
كم جمعت وكم تركت وكم غدالـي ....في حياتي يوم أصول أبها واجول
يالله المعبـــــــود يـــــارب الجلالـي ....اغفـــر الزلات عـن عبـدٍ زلـول
تمت وصلو على سيد الرجالـي ....النبي المصطفى العبـد الرسـول
عد ما بالارض حبـات الرمالـي ....وعـــــد مابه من جبال ومن سهـول

لشاعر المبدع / عبدالله مرزوق المرشدي



القصيدة بعنوان
كم جمعت وكم تركت وكم غدالي ؟