المملكة أمي وروحي فداها
أحـب لـي وحـدة ذبـحـني غـلاهـا .... مسـكانـهـا عـيني ولـحـافـهـا أهـــداب
أنـا تـرانـي قـطـعـةٍ من حـشـاهـا .... أحـبـهــا والـحـــب قـــاتــل وغـــلاب
عــيـونـهـا حـوريـةٍ ومـن رآهـا .... يــذوب مـثـل الـشــمـع بـالـنـار لا ذاب
الـعـيـن تحـرسـهـا وربي عطاها .... حـكــام وجــنـــودٍ حـــراس للــبــاب
مـلـيـكـهـا من جود كفـه هـداهـا .... كــل مــن رآهـا صـار للـبـنــت طلااب
مهرة وأخو نورة بعزمه علاهـا.... إقــــول مـاغــيــري لك الـيــوم ركـاب
وهلت جـدايـلـهـا وبسيفه حـواهـا .... وتـقـول يـالـمـغــوار ســيـفــك شـبـاب
عبدالعزيز اللي ملكها وقــنـاهــا .... بنا ركايـزهـا عـلـى شــرع وكـــتـاب
أساس قواعـدها وبجمره صلاها .... ويـقـول لا تــخـشـيـن ظـالـم وكــذاب
رحل أخـو نورة بـعـد مـابـنـاهـا .... وجـونـا بعـده صقور وفهود وذياب
سعـود لـبـسـهـا وزود غـــلاهــا .... فيصل كساها وزين الصـور بطياب
خاالـد كـرمهـا وبـكـفــه حـمـاهـا .... فـهـد مـن اللماس حـطـلـهـا حــجـاب
عبدالله اللي من جود كفه مـلاهـا .... وعم الأمن فيها في سهول وهـضـاب
المـمـلـكـة أمـي وروحــي فـداهـا .... والأم فـي عـيـن الـولـد كـل الأحـبـاب
نفخر بها وحنا البدر في سـمـاهـا .... أغلا من شوف الصحابة للأصـحـاب
الحـمـد لله القلب راضي بـولاهـا .... سـكـنـتها في العين وغـطـيـهـا أهـداب
المملكة عـيـنــي وقلبي هـواهـا .... في حـبـهـا يـاهـوه مـافــيـه مـجـنـاب
يـالله تـبـعـد من بـغــدره نــواهــا.... والا أمـوت بـأرضهـا وفـوقي تـراب
يالله تبعـد مـن يـعـكـر صـفـاهـا .... وتـبـعـد عـنـهـا كـل خـائـن ونـصـاب
التميز
الإهداءات
رد: المملكة أمي وروحي فداها
