يطلبني الفزعة وانا اقول له سم
ولا من بغيته فزعتي صد عني
ضاقت بي الدنيا وتعب قلبي الهم
حتى الحبيب اللي سنادي امتحني
وش حيلتي لا من غدا ضوي اعتم
وش حيلتي يوم الهموم اتعبني
تكفون شوروا يا هلا الرآي والعلم
تكفون انا مالي شوير ٍ سكني
انا غديت بحرب والعالم بسلم
بهاجم اللي في جحوده صدمني
ياكم من الطعنات تطعني ياكم
لكن ابطعن كل من هو طعني
مليت انا اجامل وأعايش الغم
مليت من طبعي وهو مل مني
كني بها لدنيا يتيم ٍ بلا أم
او كني اللي ساكنه فرخ جني
لاني سعيد ولاني بشخص مغرم
دايم حزين وحزني والله ذبحني
والحين ابفصخ ثوبي اللي امتلأ دم
وابلبس الثوب الجديد وكأني
اللي انولد توّه ولا كان مهتم
اللي نسى حزنه وجالس يغني
هذا قراري بعد ما اتعبني الهم
هذا قراري بعد ماصد عني
ولإستماعها اضغط على الرابط
منقول للفائدة الشاعر غير معروف لدينا
ضاقت بي الدنيا
