يا وقت لا تقسئ على مـن قسـئ حالـه
وارحـم دمـوعٍ فـي عيونـي اداريهـا
همّي كبيـر وزاد بـي اليـوم غربالـه
واصبحت في أحزاني غريق بشواطيهـا
وجدي وجود اللي لقـاء خصمـه قبالـه
وسكين غدرٍ في الظهر مـا درئ فيهـا
ولا فزعت الصاحب ولا من صخئ وشاله
مطروح بأرضه وجروحه مـن يداويهـا
واليا من وقف وشـد لـه حيـل بحبالـه
يلقـئ جيـوشٍ معلنـة بـه طواريـهـا
الله مـن الدنيـا علـى الليـل واهوالـه
في عيون مـن يسهـر وهمّـه يخاويهـا
يصبح صباح اللي صحئ بيـده فنجالـه
منثـور جنبـه وقهوتـه عـد ناسيـهـا
والريح هبّت مـن شمـالٍ وفـي جالـه
باقـي رمـاد ضـوٍ مـا حـس دافيهـا
يا ذا الزمـان اللـي لبـس كفـه نعالـه
والعصبه في رجِـلٍ تغانـت خطاويهـا
منكوس حاله وانكـس احـوال باحوالـه
ويا شين نكسات الزمـن فـي عواتيهـا
ذيب الليالي حامـت مـن حولـه ثعالـه
كلٍ بجنـبٍ ينتـش واي نـاب يباريهـا
ولا من كسر ناب انغـرس نـابٍ بدالـه
فـي جـرحٍ ادمتـه السنيـن وبلاويهـا
ولو لا الصبر علـى ردئ حظـه وفالـه
كانه قتيـلٍ مـن طعـون فـي لياليهـا
وا عزتي للـي سعـئ وخابـت آمالـه
مسعئ عزيز النفس في شـح اراضيهـا
يومٍ كساه الشيـب عـزّوه فـي عيالـه
ما هم بموتئ اجساد بل موتئ مـا فيهـا
وامسـئ يقلّـب كـف يمنـاه بشمـالـه
حسره على سنينٍ خـذت مـا يساويهـا
يالله يا سامـع دعـاء الداعـي وسؤالـه
يـا عالـم بظاهـر نوايانـا وخافيـهـا
تنجينـي برحمتـك مـن درب الظلالـه
وجـروح فـؤادي بغفرانـك تداويـهـا
تحياااااااااااااااتي
جريح الامس
التميز
الإهداءات
يا وقت لا تقسئ على مـن قسـئ حالـه.....
