همســــات لـــــــ بن فطيس
لك حق تشره لو اني جيت ما جيتك .. لاشـــك يامسنـدي تاتـي ولا تاتــــي
في غيبتك لاحصــــل طاريك حييّتـك .. واحمّل الغربي السـاري تحياتـــــي
**
لا تحسب الجفن من دمعه عقيم .. يستحـــي منك والا اقفيت انثـره
ولا يغرك وان بدا جسمي سلـيم .. والله انـــه مثل ســـــور المقبره
والله ان احـــــر من دمع اليتيم .. دمعة الرجاــــل من فرقى مره
**
غاسل كفي من مصافحة بعض اليدين .. وقافل بوجيه أهلـــها صـناديق البــريد
أشــــهد اني للبلاوي على الدنيا مدين .. كل ما راجعت نفسي طلــعت المستفيد
المواقف تشخل النـــاس والطيب يبين .. كل عام يطيح تسعه ويصفى لي وحيد
**
ودي بــك .. وأبيــك وأبــاك وأبغـــــــاك .. جمعتها لرضـــــــاك واختــار فيـــــــــها
كانك مشكك في الوفا والغــــلا هــــــاك .. جـــوالي اقــــر القائمـــــه كل ابيـــــتـها
رقمك مع (الصادر) ولا (وارد) أسـواك .. والنـــــاس في اللــي ( لم يرد عليها )
**
الموت تالي العمر والدنيــــا مقيل .. والآخــره هي منتهانا لا محـــــال
وديني وحب الناس والخلق النبيل .. ثلاث هي دربي الى حسن المـئال
الله يقدرنــــي على رد الجـــــميل .. واللي يجملني الا جـــلـي مجـــال
**
ابعدت مثل الحرف لا فارق شفــــاه .. ثم ضاع باحضان الفضا في العباره
ماهو بفرض اني على طول ويــــاه .. الكل منّـــا عـــز راســــه شعــــاره
لو كان من راسه الى حـــد ماطــاه .. زينه يزيّن خطوتــــه فـي مســــاره
**
في غيبتك مــــا ألد منــــا ومنـــــا .. ذكراك تملـــى وحشتك في غيابك
بالوقت في شــوفة حــــلاك اتهنّـا .. في وقفتك في مشيتك في ثيــابــك
لاجـــل العيـــون الناعسات اتغنّـا .. الله يخلـي لي غـلاك وشبــــــابـك
البوح لك في شـــــوفتك ما تسنّـا .. مثل الكفوف الى شغلها التشـابك
نسيت نفسي بين خنـــــه وحنّـــــا .. بين العيون وبين صــافي عـذابك
محمد بن فطيس المري
التميز
الإهداءات
همسااات لـ بن فطيس
