محاورة بين:مطلق وحبيب

محاورة قديمة بين عملاقي شعر الرد
الشاعر / حبيب العازمي والشاعر /مطلق الثبيتي رحمه الله تعالى

اليكم ماجرى بهــــــــــــــــــا




حبيب العازمي
زاد الكـلام وزادت الصفيـن
من شاف راع السيل من شافه
بيني وبينـه سلـت السكيـن
مافيـه لارحمـه والا رافـه
><><
><><><
><><
مطلق الثبيتـي
لو تلتبس لـك بينهـم بشتيـن
البحـر ماينقصـه غـرافـه
بالهون ياركـان ابـو حثليـن
الي عشق درب العناء عافـه
><><
><><><
><><
حبيب العازمي
الشرع يحكم والشهود اثنيـن
وغير الثنيـن اثنيـن حلافـه
وراك يامطلـق تلـد العيـن
وش شفت قدم الذيب وخلافه
><><
><><><
><><
مطلق الثبيتـي
مالك ورانـا ياحبيـب ديـن
والشرع ثابت فـوق ميقافـه
ماشفت قدم الذيب غير الزين
واللي يطرف فالخـلا حافـه
><><
><><><
><><
حبيب العازمي
خليت الاردن يالشريف حسين
والخوف في جوفه وفطرافـه
سلم العرب وقت القسى والين
كل ن علاه ايضفـي الحافـه
><><
><><><
><><
مطلق الثبيتـي
الله ياحسبـي علـى الاثنيـن
كل ن يصج السمع غطرافـه
الموتر اللي صانعه فالصيـن
اعمى عيون النـاس كشافـه
><><
><><><
><><
حبيب العازمي
الله دعى فالوعل ابـو قرنيـن
عود يـدف الضلـع بكتافـه
لكن جاي من اين رايح ويـن
ياسـرع ميقافـه ومحرافـه
><><
><><><
><><
مطلق الثبيتـي
اجناه ابو نخلـه وابوسيفيـن
معاد الـه فالسـوق صرافـه
ترى الثبيتي ياغـراب البيـن
معروف مرباعـه ومصيافـه
><><
><><><
><><
حبيب العازمي
الظاهر ان صرافتـه مقفيـن
هفت بهم مـع راس مهيافـه
اصبر شويه والعلـوم اتزيـن
يالافـه انتـه قدمـك الافـه
><><
><><><
><><
مطلق الثبيتـي
بعض العرب فيهم طباعن شين
اعصيهـم للقـطـن نتـافـه
الشيخ مـن لايتبـع المقفيـن
كلن يرجـع فوقـه اسلافـه
><><
><><><
><><
حبيب العازمي
مهوب منا من هل الضلعيـن
اللي تعرف القطن واصنافـه
بالله لاتاكـل علـى الحييـن
خل الهـلال يوقـف اسعافـه

مشكوووور على النقل الرائع

الله يرحم مطلق شاعر كبير

وكذلك حبيب شاعر لا يشق له غبار

تقبل أرق التحايا و أعذبها

رحم الله ابا فيصل وادام الله ابافيصل والبسه ثوب الصحه والعفيه
محاوره جميله بين شاعر عتيبه الراحل رحمه الله وشاعر عتيبه
الحالي حفظه الله . اخي الحبيب عساف الاصائل تسلم على هذا
الاختيار الموفق والنقل الجميل . لك مني اطيب تحيــــــــــــــه

رحم الله

مطلق

وأمد بعمر حبيب

عملاقين من عمالقة المحاورة

مشكور على النقل

رحم الله مطلق شاعر الحلبتين

واطال الله في عمر حبيب العازمي

تقبل تحيااااااااااااااتي الخاااااااااااااااصة

كل شكري وتقديري لك على موضوع الجميل

وتقبل مني ارق تحياااااااااااااااااااااااتي

اخوك : ! الموهوب !

شكر لك على الموضوع