الله يبلـى كـل حـيٍ؟؟؟؟؟

الله يبلـى كـل حـيٍ فـي حياتـه بامتـحـان=وانا امتحانـي حلـم ليـلٍ ماعرفـت أفسّـره !!
ياليت ربي ماكتـب لـي فـي مقاديـر الزمـان=أرحل مع المجهول فـي دنيـاً علـي متعسّـره
مادري صحيح العلم ؟ وأضمنها على حظي ضمان=وأرتاح في دنياي مـن قلـب العنـى واجسّـره
ولاّ مـع الأوهـام تلعبّـي علـى روس البنـان=وأنـا كمـا حـرٍ نثـر ريشـه بكـف موسّـره
رمعة معانيها توردنـي علـى خضـر الجنـان=في خاطري .. والغيب والمقسوم عنـد ميسّـره
تسمو كما يسمو النظر وأقرا لها سحـر البيـان=وتغـاب عنّـي واتخيلـهـا مـعـي متيـسّـره
واحلم وأنا صاحي وحالي مثـل حـال الغيهبـان=عظيم . لكـن وجـه حظـه للوفـوق معسّـره
يانور عين اللي على وضح النقـا سـرّ وبيـان=ما قال غير الصدق لو نفـس الهـوا متحسّـره
أسئلك باللي نزّل القـران فـي شهـر رمضـان=علـى النبـي يتلـوه جبريـل الملـك ويفسّـره
إن كان في قلب الغـلا للمهتـوي قـدر ومكـان=لاتبخليـن بكلـمـةٍ كـنّـك بـهـا متخـسّـره
وأنا عميد العاشقيـن اللـي مداعيـج أصفهـان=على شبـا سيفـي سهـوم أهدابهـن متكسّـره
لاشك رمحك ياغناتي سبق سيـف ابـن ابـان=دك الفؤاد اللـي ورا عـوج الضلـوع مدسّـره
ماصابني من رمش عينك صابني كـف الحنـان=اللـي تمدينـه خفـا وأنتـي علـي متجسّـره
والله .. لو عمري ميـه ولاّ عشـر ولاّ ثمـان=إنـي علـى عـزّ الشبـاب أيمّنـه وأيـسّـره
وإني سليل أهـل الأشـده والقلـص والجبخـان=اللـي تضـد القـوم والـراس العنيـد تكسّـره
أموت بالعزّه ولا يشمـت علـي ن ذ ل وجبـان=ولا أعشـق إلا بنـت روس للحفيـف مخسّـره
وأنا ادري إنك بنت عـود لا يهـاب ولاّ يهـان=محشومـةٍ مانتـي لجلبـاب العفـاف محسّـره
وأدري بقلبي مايطيب ويمتلـي فرحـه وأمـان=إلا معـك يامهجتـي والنفـس لـك متفـسّـره
وان ماجلبك الحـظ فالله .. القـويّ المستعـان=راحـت حياتـي حلـم ليـل ماعرفـت أفسّـره

الشاعر:عبدالله بن شايع الزهيري

مشكور على النقل المميز

قصيدة رااااااااائعة

سلمت يمينك

لك

تقديري

عساف الاصائل


صح السانك والسان الكاتب قصيدة جميلة ومميزة ننتظر جديدك


تــــــقـــــ تـــــحـــــيــــــــااااااااااااااااااااااااااتــ ـــي ــــــــبــــــــــــل


صقر عتيبة

كل شكري وتقديري لك على موضوع الجميل

وتقبل مني ارق تحياااااااااااااااااااااااتي

اخوك : ! الموهوب !