بسم الله الرحمن الرحيم
إهداء
للشاعر/ سلطان بن عتيق المنصوري
ورسالة للجنة شاعر المعنى
لقد تابعت برنامج شاعر المعنى وسرني تقدم الشاعر/ سلطان بن عتيق المنصوري الثبيتي العتيبي
حينما أهدا تاهله الاول الى قبيلة عتيبه الهيلا وقد سرني ما قاله. وباعتباري شاعر الهيلا اشكره وأتمنى له النجاح
علمآ انه من أسرة معروفه بالشعر الجزل والمعاني الجميلة وليس بمستغرب منه ذالك . لهذا السبب أقدمله
هذي ألقصيده المتواضعة وأتمنى له التفوق والنجاح حيث أقول للجنة.
يا لجنـة المعنـى توصـوا بسلطـان=سلطان ابن نايف تعيـش ألا سامـي
سلطان شاعر والشعر قلب و ألسـان=ومـا غيـره الاالـدم واللحـم نـامـي
سلطان من قومآ(ن) عوأرف وشيخان=يستأهلـون الطيـب و ألاحتـرامـي
واليا نشدت اعـن المناصيـر عتبـان=الجـد ثابـت بيـن الأنسـاب سامـي
للمعرفة مع سايـر النـاس عنـوان=نورآ(ن) ليا شعشع يزيـل ألظلامـي
بيت الشعر والعرف من ماضي الأزمان=والدهر مـا يظلـم رفيـع ألمقامـي
ذوي رجالله فالعـرب شانهـم شـان=والنـاس تعرفهـم جنوبآ(ن)وشامـي
غـازي وعـواض ورجالله بلامكـان=تنشـد وتلقـى كـل حرآ(ن)قطامـي
وان قلت عن عبد الملك طير حـوران=وانعم ببـو صالـح بعيـد المرامـي
عرف وكرم طيب وصفا قلب وأيمـان=له موقفآ(ن) معروف عند الزعامـي
وللمشيخة فيهـم قواعـد وسيسـأن=رمز ألبنا الشامـخ دعـاة ألسلامـي
ما أقولهـا حيلـه وزورآ(ن)وبهتـان=أقولهـا بالصـدق واثبـت كـلامـي
الشعر فـي ربعـي مبانـي وبيبـان=عفه و أدب وأسلوب علـم ونظامـي
يرتـاح الـه ويقـدره كـل فهمـان=ومن رقته يروي ضمـا كـل ظامـي
قولوا لفيصـل والزلامـي وسلطـان=سلطان ابن نايـف سليـل ألكرامـي
شاعر وشعره لوسمع عنـه راكـان=دون حروفـه وابلغـه كـل يـامـي
وانأ عن الهيلا اشكره سـر وإعـلان=واقبـل هديتـه للوجيـه الحشـامـي
واهدي لفيصل كل شكرآ(ن)وعرفـان=ذخر الملـوك أمخضبيـن ألحسامـي
فيصل جعل لشعـر أسنـه وفرسـان=وراية ترفرف فـوق روس العدامـي
قلته وانأ في ضـل ذربيـن الإيمـان=وتقبلـوا شكـري وعاطـر سلامـي
الشاعر:محمد بن سعيد الذويبي....شاعر الهيلا
التميز
الإهداءات
إهداء للشاعر/ سلطان بن عتيق المنصوري
