إهداء لأبي: رياض الأستاذ:مطلق المسعودي سلمه الله
قالوا:من اي ات العرب قلت:من فوق=من قمة جبال السراة الرفيعة
من مرقب(ن) ما هيجه كل طاروق=ولا دنسوه أهل العلوم الوضيعة
والي خوي(ن) ما تربى على البوق=ولا تحلى بالردا والقطيعة
أبو رياض مروض كل مطفوق=بالراي والحكمة ونهج الشريعة
راع الوفا والطيب والعرف والذوق=لا من بدا في علم مقفا صنيعه
مخبره في يوم تعذر لمخلوق=يسد دون الناس ويسد ريعه
قالوا:زميلك قلت: صادق ومصدوق=يطيعني بعلوم وأنا بطيعه
هذا خوي الجنب مطلق ومطلوق=له منزلة بين الضلوع المنيعة
ولاهو وحيد من الرياجيل مافوق=لكنه اللّي بينهم ما نبيعه
ما غيره وقته ولا غيره سوق=ولاحط من دون المواجب ذريعة
أبيض من البيضان ماهو بزرنوق=لا هو بطرقيّ ولا هو نزيعة
نبت الحجاز الّي بها كل مخلوق=ما ساقته غبر المراكب ود يعة
حرّ تربع قمة المجد معشوق=ومن عشق ديرة عزوته ما تزيعه
ياشيخ حطيت الصنائع لنا طوق=صنائع(ن) من عز ماهي بديعة
وتركتنا وأنا الثبيتي أصل روق=راع المذاهب في سلوم الفريعة
بدلت مجلسنا ببو وجه محلوق=مدري عجز والا عشقت المذيعة
مدري متى الشائب ليا زل بيفوق=زلة من الشائب علينا شنيعة
والمعذرة ما ينكل زاد محروق=ولا تنزل الا الديار الشبيعة
والجسم ما يحيا بلا دم وعروق=ولا ينعرف قيض الزمان وربيعه
عطني ردودا العلم والرفق مرفوق=ولا أظنها ضاقت فجاج وسيعة
التميز
الإهداءات
خوي الجنب مطلق...؟؟؟
