مانـي طايـق عتابـك..؟؟؟

خـلاص نفسـي بفعلـك لاتكدرهـا=تراي مليت مانـي طايـق عتابـك
الفكره اللي براسي عنـك اغيرهـا=وابرمج الفكر لين تراجـع حسابـك
الغلطه أللي تجينـي منـك امررهـا=مره وثنتيـن علـك تثنـي ركابـك
اعطيك فرصـه وحـذرا لاتكررهـا=ماودي اني اعـزر فيـك وابلابـك
الثالثـه لوتجـي ماقـدر اطمرهـا=اردها وافيـه مـن غيـر لاشقابـك
الارض من تحت رجلينـك ادورهـا=وانزلك لـو تعلـى فـوق مرقابـك
ماظن تنسى فعولي وانـت خابرهـا=لكـن تجريـت بالرفقـه ولاثـابـك
الخوه اللي تضيـع بوجـه ناكرهـا=ماتنومن لا غزاك الوقـت والوابـك
والخوه اللي تبين بوجـه شاكرهـا=احرص عليها وكن الـود لاصحابـك
ماني عليك انـت لاقفيـت حاكرهـا=افلها وان رجعت اقـول وش جابـك
رفقة هل المصلحه ماكثر مخاسرها=حتى ولوكان راعيهـا مـن اقرابـك
النفس ماني بدرب الضيق حاشرهـا=لو كان ماكان مانـي طـارقٍ بابـك
دنياك لازم مـع الواقـع تسايرهـا=لو شفت منها عجايب تمسك اعصابك
امقرد الخلق تبغـى مـن يقاشرهـا=تبلش بها كل يوم تشيـل مشعابـك
العمـر كلـه سويعـاتٍ نقـزرهـا=لابد يـومٍ يجـي وتـودع احبابـك
سكة حياتي على ماجـات عابرهـا=مكتوبلي ماكتب وانتـه لـك كتابـك

الشاعر: عبدالله المرشدي

صح لسانك بن هليل

ولاعدمنا هالنقل الاكثر من رائع

العمـر كلـه سويـعـاتٍ نقـزرهـا
لابد يـومٍ يجـي وتـودع احبابـك
سكة حياتي علـى ماجـات عابرهـا
مكتوبلي ماكتب وانتـه لـك كتابـك


هالبيت جبته على الجرح

يعطيك العافيه

عذبة الالحان

الف شكر على المرور الأكثر من رائع

الجروح سنة الحياة لولاها ما عرفنا طعم السعادة

لك

كل التقدير

الله على إختيارك

قصيدة جميلة جدا

لك كل التقدير

مشكور وما قصرت

الله يعطيك العافية

ننتظر مزيدا من المشاركات المميزة

لك

كل التقدير

فعلا قصيدة رائعه ما شاء الله عليك
اتحفنا بالجديد
تقبل مرور

صح الله السااانك والسااان القائل

الله يعطيك العافية

لك خالص التحية

الف شكر لمرورك وردك الجميل

لك

كل

التقدير