الغلا موجـود...؟؟؟

الا ياوجد روحي كل ماهبـت هبـوب النـود=وجود الي تعنى في حياتـه وانتهـى صبـره
يسج الرجل مع دربه ويسري فاليـال السـود=على حلم السنين الي عطته من العنـا عبـره
على ذاك الحبيب الي هجرني والغلا موجـود=هجرني وابتعد عني وانا مااقوى على هجـره
هجرني وابتعد والحب ضاع بدربه المسـدود=هجرني وانتهى حلمي وخانت عينـي العبـره
بعد ماكان في قلبي هو الغايه هـو المقصـود=تركني للعذاب وذقت مر الوقـت مـن غـدره
تركني للعنا والهم والمسـرى بـدون حـدود=تركني ماحفظ قدري بعد ماصنت انـا قـدره
اعاين في نجوم الليل وهمومي علـي اتـزود=ليا مني ذكـرت انـه نسانـي واقتنـع مـره
واتوه بغبة احزاني واصيـر بعالمـن مفقـود=ليا مني ذكـرت الحـب والميثـاق والعشـره
وذكرت اني على شانه بذلت جهود بعد جهود=على شان يتهنـى فالحيـاه ويفـرح بصغـره
صغير يقولي تكفـى محبتنـا عليهـا عهـود=وانا اقول الخفوق الي يحب بصـدق مايكـره
ليا منا توصلنـا وسرنـا بالكـرم والوجـود=ترى ماهمنا الحاسد لو انه مـات فـي حـره
انا فدوة عيونـك ياعيونـي والليـال شهـود=انا الي مايخونك لو يخـون الادمـي عمـره
نسيت انه هو الجاحد وانا الي فالهواء مجحود=نسيت ان الهواء الكاذب يموت ولا انجنى ثمره

ابراهيم الزراقي

صح لسان شاعرها

وسلمت يمينك

تقبل

مروري

مشكور وبيض الله وجهك على النقل المميز

لك

خالص التقدير

مشكور على المرور والرد الجميل

لك

خالص مودتي وتقديري