لي عزوةٍ تارد على الطيب والزين = ووقت الوغى فنجال سمّ شرابه ..!!
لطامة العايل وسقم المعادين = إليا احتمى الماقف تورّد عتابه ..!!
ولا ثارت الهيجاء بوسط الميادين = بيرق عتيبة منتصب فالحرابه ..!!
والخصم في صاعه يجازى بصاعين = والهم من فوقه يخيّل سحابه ..!!
الله خلقنا في الأراضي سلاطين = فينا الدهى والعز حتى الصلابه ..!!
عز الدخيل اليا تنصّى الميامين = واجب بوقت العسر نحمي جنابه ..!!
ماننكر المعروف واحنا كريمين = تاريخنا يذكر بوقت الصحابه ..!!
قلته وأنا شاعر حفيد العريبين = آلاد عاصم عز فخر ومهابه ..!!
منّا نسل شافع سيوفٍ بحدّين = ومنّا الجلاة حزام جنب وعصابه ..!!
ومنّا هل الطالات فخذ العلاوين = ومنا نسل حمران وقت المجابه ..!!
ومنّا ذوي عبّاد نسل الشجيعين = ومنّا ذوي عامر فتيل وشهابه ..!!
وكل القبايل فوق راسي وغالين = كلٍ وتاريخه يشيله كتابه ..!!
مهند
التميز
الإهداءات
سلاطين الأرض
