محاولاه قبل اربع سنين حبيت انقلها لكم
خلف العارضي
القعيّاني طراله شي مدري وش طرالـه
يسبر النجم البعيد ويترك النجم الموالي
وين شرع الله وحكمه وين ميزان العداله
شرع ربي يالحرامي ماتغيـره الليالـي
عبدالرحمن الشلاحي
القعياني تعرفونه من اصحاب الجلالـه
وانت ياذيبان ابعدك من اصحاب المعالي
الله منزهه كتابه والرسول ادى الرساله
امتثل لاوامر الله مع كريمين السبالـي
خلف العارضي
لاتطوّلها معايه معك ماحـب الاطالـه
مادريت انك تراوح عسكري ابجوّ خالي
قيمة الفنجال تسوي عندنا مية بيالـه
لايغرك شايب الرحمن واعيال الحلالي
عبدالرحمن الشلاحي
صاحبي متقاعد يعاني من ظروف البطاله
لازم اوديه رحله معي للقطب الشمالـي
القمر مايكتمـل قـدام مايبـدي هلالـه
كتف بعيرك قبل يضيع مابيـن الجمالـي
خلف العارضي
البطاله من طرفكم كل يوم ايشوف حاله
مايبالك منفعه ليتك نفعـت ام العيالـي
الجمل عبدان ماعمره تقيّد فـي حبالـه
عز مرحان الجنوب وعز مرحان الشمالي
عبدالرحمن الشلاحي
ماانكب شعب الكويت الا بعد زاد انحلاله
والدليل الانهيار اللي حصل والاحتلالـي
كان اشاء الله وامر لتقول ابن مرزوق قاله
مايعوض في جنيهات الذهب خشم الريالي
خلف العارضي
انّكبنـا يـوم حنـا مارضينـا فالعمـالـه
نفّرح ابّشهر ارمضان ونسّهر العشر التوالي
ليش اكذب شوف عيني واتحفّـا للضلالـه
ياشليويح المطيري ماظهر فالمهـد والـي
عبدالرحمن الشلاحي
بعد سجلت اعترافك روح داوم فالبقالـه
الشجاع يبان وجهه مايدسـه فالرمالـي
شوف عينك خابر انك ماتشوف الا خلاله
ياغنيم العارضي محدن عقبك الا التوالي
خلف العارضي
انت اظنك منتهي يالعبدلي حد الثمالـه
اعترافي لوّفهمت ارموز حرفه ماتلالي
وقتنا وقت الثقافه والتطور والزمالـه
لوّ اسوي مثل جدي رحت فيها ياحلالي
عبدالرحمن الشلاحي
لو احلل دمك اللي رايح اسود في طحاله
كان غنيت النشيده وشبقالـي وشبقالـي
المثقف يتفلسف كل مايطـرح سؤالـه
لو جدي ماهـو بجـده للقيـه العبالـي
خلف العارضي
كل ماجيت انّسحب| للحرب يدّفعني هبالـه
أه لو نفحصك نلقا السكري والضغط عالي
الولد لاطاب طيبه عارفينـه مـن خوالـه
وانت خالك يالمطيري مايجي في ظفّر خالي
عبدالرحمن الشلاحي
انسحب ولا الهزيمه حاصلة لك لامحالـه
كيف اتوّب واحدٍ يذوق طعم المـر حالـي
خال خالي بن لويحق خال ابوي العز طاله
وانت لو انك مثل خالك ماعذربت الرجالي
التميز
الإهداءات
محاوره عبدالرحمن القعياني وخلف العارضي
