حلم ٍ نساه الليل في وسط الخلايا

قصيدة عجبتنب بهديها لكم


يارب تروق لكم

للشاعر فهد عيد

ياعيون اللي تطالعني على روحه وجيّه
حاكمتني واصدرت فيني من الدنيا قضايا
شفتها مثل الخيال وشوفها ضيّم عليّه
كنها حلم ٍ نساه الليل في وسط الخلايا
حبها عاقب ضميري وابتليت ابها بليّه
يوم جتني في زمان ٍ فات سوّت بي سوايا
والله اني عقبها نفسي تشوم أعن البريّه
ما لقيت أبوصفها عمهوجة ٍ بين الصبايا
حلم قلبي والسنين المقبله والاوليّه
ماترك لي في زماني غير جرح ٍ في حشايا
والحقيقه علمتني كيف انا ببقى ضحيّه
وعلمتني كيف اعيش الحب مادست الخطايا
وعلمتني كيف لامن جيت ابهدي لي هديّه
وعلمتني كيف انا استقبل من احبابي هدايا
علمتني من معاناة السنين الجرهديّه
كنها يوم انها جتني توصيني وصايا
ثم راحت واتركتني بين شمس وبين فيّه
علقتني فوق نار ٍ ولّعت فيني لظايا
يوم خلتني وانا مجروح واجروحي نديّه
ضامري عطشان واعروقي من الفرقى ضمايا
فارقتني وأرحلت والكل مجهول الهويّه
كنها حلم ٍ نساه الليل في وسط الخلايا

يعطيك العافية ياروح اختيار اكثر من رائع صح نبضك والقلم

اختيار راقي صح لسانك ولسان الشاعر

صح منطوقك اختيار اكثر من رائع واصلي تميزك

شكرا لكي ياروح القصيد على هذا الاختيار ويعطيك العافيه

اختيار راقي يدل على ذائقة شعرية يعطيك الف عافية

داائما لاتاتي الا بالدر الثمين

حضوور مطرز بالجماال

يعطيك العافية






ودى و تقديري

سلمت اناملك
بإنتظار جديدك
ودي لقلبك
تحياتي

تسلم يمناك لا عدمناك اختيار رائع



تقديري

انتقاء مميز
سلمت ذائقتك يا روووح وصح لسان الشاعر فهد