مساجلة بيني وبين الشاعر عبدالرحمن المسعودي !!!

جمعت لكم مناوشات اخر الليل بيني وبين الشاعر عبدالرحمن عويض المسعودي

في موضوع سجل حضورك ببيت شعر

مدرى وش الله قومني عليه لين نخشت الدبر وبلشت به

المهم اليكم الحصيلة جمعت ما قال مع بعض وما قلته مع بعض وبعرضه على لجنة التحكيم

يقول عبدالرحمن:

يسعد صباح اللي عن البال ماغاب = يسعد صباح اهل النفوس الزكيه
لبيه ياعمري وياسيد الاحباب = افداك كلي كان تبغى هديه
قلبي من الخفرات باالحيل منصاب = عيونهم تسحر بها جاذبيه
لاشفتهم قلبي من عيونهم ذاب = ولاسلهموا باالرمش يغمى عليه
يابن هليل قالوا الحب غلاب = اعشق بنات الغيد والنرجسيه
وشفيك تكثر لوم وتزود اعتاب = وانته على نفس الخطا والخطيه

قلت:

يسعد صباح اللي خطر لي بالألباب=ويسعد مساه وكل صبح وعشيه
ياخذ مطاليبه ولا أدور أسباب=يأمر وينهى والمكانة عليًه
أنا لها فارس وشاعر وكساب=وأنا لها عاشق وهي عامريه
الظاهر إنك بالهوى عندك أعصاب=والا إنتحاري مندفع للمنيه
بعض العيون السود خادع وكذاب=وبعض القلوب يذوب في كوب ميه
خل الهوى لرجال تفتل للأشناب=لو كان بعض الحب والله بليه
ما كل برق يلوح نتبعه لو طاب=ولا كل خيلة يا صحيبي نقيه
أنا أتخير في رفيعين الأنساب=ماني من اللي يتبعون الرديه
أختار من سوق الجواهر ولا أهاب=أشري من الغالي مساقه عليه
أرد حياض العد لو كشر الناب=ما أرد على الطامل ولا هو بليه

صحت السنكم




ابدعتم لا هنتم

اتحفونا دائما بمثل هذه المساجلات

صحت السنكم



مبدعين ما فيكم حيلة

الرقيب +ملك القلوب صحت ابدانكم