دخيل الله ...

مادام الشعر تأثيره على عيـن الحبيـب دمـوع
_________ اجل وش عاد تأثيره على صدري من إبعـاده .!
نظمت الشعر وادميت الدفاتـر والقوافـي طـوع
_________ من اللي جال فـ بلاده بعـد ماغـادر إبـلاده .!
اعيش الليل مثل اللي كساه البرد فـوق الجـوع
_________ وادوّره الدفا وايضـآ إلـى العاشـق مثـل زاده
وإلامن غاب عن عيني وعدى للغيـاب اسبـوع
_________ اقول الحب ماحقـق معـي حقـه ولامـراده .!
اشبّ له على الطاري شموع وتنطفيـه شمـوع
_________ وتسألني زوايا البيت عـن إرجوعـه وميعـاده
وأنا لامن طرأ طاريه اصيـر العاشـق المتبـوع
_________ على ذكره إليـن الآآه صـارت داخلـي عـاده.!
مواجيبه وسط صدري وفاء من كل شكل ونـوع
_________ وفاء كنّه وفاء رجـلٍ حفـظ مخطوطـة اجـداده
آهاب الوقت / وآخاف الدروب / وخاطري مفجوع
_________ إلا سقت القدم يمّـه وبعـض النـاس نقـاده .!
وصالـه نكهـة الدنيـا وبعـدهّ لابعـد قرطـوع
_________ من أكواب الهموم اللي تجـي وتـروح ردّاده .!
المّ النفس لاضاقت واقول ان شوفتـه مشـروع
_________ واجي له شعب ماجاه الجنـون الا مـن اسيـاده
اقول اسمع: يقول آمر ترى صوت الهوى مسموع
_________ اقول الـروح منقـاده يصيـح الـروح منقـاده
اقول العشق وين ارضه يقول بداخلـي مـزروع
_________ ولابه واحدٍ غيـرك عشقتـه عشـق بزيـاده .!
دخيـل الله وآمـان الله وانـا يالفـارع الدلـوع
_________ بعدك العمر من عقبّك كرهنـا طلّـة اعيـاده .!
لذا جـدد مواعيـدك وقلـي : والبعْـد ممنـوع
_________ حرام انك هـوى قلبـي / وتاريخـه / وميـلاده
ولـ صار الشعر تأثيره على عين الحبيـب دمـوع
_________أجل وش عاد تأثيره على صـدري مـن ابعـاده

لـ الشاعر عبد الرحمن مازن العطاوي

يا سلاااااااام




رائعة


اختيار راقي

تسلمي عبير من اروع ما قرأت من القصائد راقية

مواجيبه وسط صدري وفاء من كل شكل ونـوع
_________ وفاء كنّه وفاء رجـلٍ حفـظ مخطوطـة اجـداده

تسلمي ... عبير ... اختيار ... قمه...

صح لسان الشاعر والناقل


تسلم يمناك


اختيار راقي


تقديري

يا سلام عليك اختيار ولا اروع صح لسانك ولسان الشاعر

الله روعة يا عبير ربي ما يحرمنا منك ذوق ياذوق

شكراً لجمال حضوركم جميعا وطيب تواصلكم

امتناني وكل التقدير

صح لسان الشاعر وسلمت يداك ربي يسعدك يارب