احب الي رجال ماهو بطيب=كل يوم ابوسه وهوه من اكبرعداي
ارتاح لا من صار مني قريب= واقلق ببعده لو اهو غاية امناي
اللغز هين ياكثير التهيب = حله وصافح كف يمناك يمناي
اشرب بداله كيف كب المعيب=مالك ومال اللي يحمق على الشاي
ريحه خبيث وغير ضرٍ(ن)مغيب=عزاه يا قلبي من الشين عزاي
تحرقه مدري يحرقك ياالحبيب=دخان مابه لا طعامٍ ولا ماي
آه ياوقتي اللي راح ليته يردي=ليت ماراح من عمري يعود عليه
لا طرالي زمان ٍ فات ينباح سدي= ياحلو ذكريات أيامي الاوليه
اتوجد على مافات وصفق بيدي= فرصة العمر ضاعة ياعلي من يديه
واتصبر وصبري واصل ٍ فوق حدي= واهني الخلي من الهوا واهنيه
احسب ان الليالي ثابته ماتعدي =لين شفت الصحيح وبين الشيب فيه
لغز بسيط
