عثمان الثبيتي
مرحبا والا سلام ورحمة الله وبركاته=مرحبامنا تحيه والسلام ايضاً تحيه
شاعر يبغا طريق الخير وتهمه حياته= لايقابلني واعيد به قبل عيد الضحيه
طرادالعصيمي
الـبـقـى يـاشـاعـرن يـاكـثـر مــزحــه وحـركـاتــه=مـيـر وحــده صــح ولا الثانـيـة مـاهـي سـويـة
مالك الا شاعرن تومي على راسك عصاتة=لـيـن حـتـى تـتـرك أدروب القـشـر والجاهلـيـة
عثمان
انت رجال يشيل الداب في طية عباته= من يسارك راس داب ومن يمينك راس حيه
لو طراد الله يبارك فيه ماينقص صلاته=كان قلنا مثل قيس اللي يحب العامريه
طراد
والله أنـي منتبـه والـحـرب مــادارت رحـاتـه=والحـذر مطلـوب لكـن مايـفـك مــن المنـيـة
لو طراد ينقص الفنجال يجلس مع خواتة=عندنـا للضيـف بـن وعنـدنـا للخـصـم كـيـة
عثمان
الثبيتي كل ما وصاك ماتسمع وصاته=وانت ودك بالمطير ورجعتك الجاذبيه
ما اتهمناك بقصور وتضهر الطيب صفاته= كل ماجبتلك حسنه جبت معها كم سيه
طراد
لا توهق كل ماشفت الجمـل يطلـع لهاتـة=ولا توصينـي تـرانـي عـارفـن ذيــة و ذيــة
زين جو الطايف المانوس جـوة ياحلاتـه=يطرب الشاعر ليا جر اللحون السامرية
عثمان
واوجودك لو زمانك تدرج فوقك رحاته=والله لتذكرثبيت وتذكر ايام الحميه
والله ان طراد فقره غالبً زينة غناته=يحسب ان السوبيا حلت محلالشاذليه
طراد
مانذم الحر الاشقر لو كفخ فاعـلا سراتـة=تخدمـه عقبـان نجـد اللـي مخلابـهـا قـويـة
وش نسـوي بالزمـان اللـي غزتنـا تقنياتـه=خلت الثبتان من راس الجبل ترسل علية
عثمان
ندري انه ينقهر لو يشكل السرحان شاته= شاعرً يمحدح بنفسه من دواع النرجسيه
انت رقمً بالشمال ولحد يظفر بحسناته= لانعدك بالرعاه ولانت من ضمن الرعيه
طراد
جـرت المـفـرود ياعثـمـان مــع درب أمهـاتـه=لا وصــل لـلـدار ردة للـديـار الاولـيـة ههـهـه
رقم واحد صعـب ياعثمـان تحصـي معجزاتـة=خص معك الاوسمه خمسة ولا زادت شوية
عثمان
ماهي بصعبه علينا لو قررنا ذكاته=ذبحته ذبحت هريد وعيشته عيشه رديه
والله ان حاله صعيبه واللهم لاشماته=كل ما ارويه راس السيف دن الهاشميه
طراد
لا يطب الزمل الاجرب لين نعرف وش صفاته=شايفـه يهقـش علـى الجـرة ولا لـه قابليـة هـهـه
صاحـبـي عثـمـان طـيــب قـلــب مـانـرجـي وفـاتــة=نــنــتـــقـــه بـــــالـــــزان ولا نــطــعـــنـــه بـالـنــافــعــيــة
عثمان
وسم وجهك من قبيح الشكل والا من حلاته=انتماونيت غير اونستلك ضربه قويه
الاسد لو جاك هايش يامماتك يامماته=تاكله قدام لاينهشك والذمه بريه
طراد
الثبـيـتـي روعـــه مـــوج الـبـحــر واخــلــف ثـبـاتــه=ضـعـت وأنـتـه ولــد بــن عـفـان ياثبيـتـي سمـيـة
الاســـد مـــن غـابـتـن فـيـهـا ضـــواري وانـفـلاتــه=لو يموت ثبيت قالت ذابحه راع الحويه هههه
عثمان
الهدف ماصابه الا ياولد عاصم رماته=ماحماهالا ثبيت اللي منازلهم ذريه
نعرف الحنضل خبيت ولا قربنا من نباته=بعد اكلها ولدعاصم جعلها لقمه هنيه
طراد
وقتنـا اللـي فـات ماحقـق لعثمـان أمنياتـه=ووقتنا الحالي خذا عثمان فالالفيـن ميـة
العصيمي عندكم ياثبيت مابه شيء فاته=وأنت اظنك ذيب لو يجـوع ماياكـل خويـة
عثمان
ماتعبنا للرغيف ولاتتبعنافتاته= قسمنا ذروة سنام المجد ونته عشت عيه
لو نفتش في ملفاته كشفنا عن سماته=الخطا فيكم طبيعه والغلط منا خطيه
التميز
الإهداءات
رد: مرحبا والا سلام
