من طاح في حب البنات المزايين .. الله على سهر الليالي يعينه<<لقلوب الحزينه

السلام عليكم

أسعد الله صباحكم/مساكم بكل خيـــر

لكم القلوب الحزينه



أحتجتك البارح وانا خاطري شين .. يوم الحزن حاصر حدود المدينه
أحس في صدري تثور البراكيين.. والقلب ماحلت عليه السكينه


والعين تذرف دمعها بالشقا لين .. بانت على وجهي وسوم الغبينه
مالي جدى غير اردف الصوت صوتين.. يالليل سريت القلوب الحزينه

على وليفً راحبه نازح البين .. إلين حل البُعد بيني وبينه
من عقب ماكنا مع الحب سالين .. راح وحمل قلبي على راحتينه.!!!

كنا على كل الظروف متخاوين .. أحباب وعقول الحبايب فطينه
كنا سوا نبني بيوتنً من الطين .. ونرسم على وجه التراب السفينه

حتى حدانا الوقت في عام الــ2000 .. وغطوه بحجابه وقفت اسنينه
الله عطاه العقل والثقل والزين .. إلين علقني على رمش عينه


البارحه يوم الملا مستريحين .. انا عيوني للمحبه رهينه
كن الفرح عودّ توفى من سنين .. والحزن شيخً حاكمله مدينه

وانا من السكان ذقت الامرين .. والشيخ ظالم وصفعتني يمينه
ومن طاح في حب البنات المزايين .. الله على سهر الليالي يعينه


وسلامتكم

راقت لي ..

اللكاتب: منيفاوي العتيبي ||

رائعة بجد




اختيار موفق

صح لسانك اشاعر


شكرا لك يا ذوق

سلمت وسلم اختياركـ

تحياتي واحترامي،،،،

يعطيك العافية




جميل ما نقلتي لنا

منورين بطلتكم لاعدمنا هالمرور..

اختيار موفق

قصيدة رائعة

سلمت يمناك على النقل

شكرا على الاختيار الرائع
حفظك الله ورعاك