ديوان الشاعرة نورة الجعيثن بالقوافل

على الوفاء نبايعك . نفتخر فيك..عز الوطن.ياعـزنا ياوليدة

سبعة سنين للزمان شهود
والآمن سااد قلوبنا ويسود
يااارب كلل فرحنا ببقاؤة
نعم الكريم ونعم آل سعود
...
..
.

يالمملكة كل القصايـد تهنـيـك
وانتي فخـرمن يفتخـروالقصيـدة
يادارنـا كل المعـاني تحيـيـك
ياديـرتي بالخيـر درة فـريـدة
على الوفاء نبايعك , نفتخر فيك
عـز الوطـن ياعــزنـا ياولــيدة
نسل السعود الله يجيرك ويحميك
وأنت الأمل لآمالنـا. وأنت عيـدة
بعيوننـا وقـلوبنـا والهنـاء فيـك
نشتاق لك والشوق زايد وقيـدة
هذي حروفي بالمحبة تغاليـك
فيك المعالي والليالي سعـيــدة
عزك كريم دام عزك وطاريك
تفداك روحي والاماني عـديـدة
فيك التقـدم والتطـور مـواليـك
كل الثقافـة والحضارة جـديـدة
واللي رفع سبع السموات مغليك
ياقبلـة العالم ’ ونعم العـقـيـدة
دون العدى حنا على الدين نحميك
ونذود بالغالي . حصون شـديـدة
والبيرق العالي سما في معاليك
وصقورنا بالنايفات الرغـيـدة
ياقصر ابومتعب عساالله يخليك
ويسلمـك من كل عين شـريـدة
والحاسد الحاقد يموت بحراويك
يخسا ويخسا بالخيانة عـضيـدة
والمخلصن اللي مشوا في بواديك
درع الوطن والله كآآآف عـبيـدة

عساني ماعدمك ياغلا الغوالي
وعساني فدوة لك ياعيوني
يروح العمر وتمر الليالي
ولاغيرك سكن قلبي وكوني
ولو حسيت بحمول ثقاالي
يطيح الهم مااخيب ظنوني
عسا الايام تنسيك المحالي
وتجبر خاطرك لو يعذلوني
غلااانا مايقـدر بالمقااالي
ولو تنزف مداميع الطعوني

..
آسف وربي تراك اغلى من عيوني
لاتحسب القلب يطري له ويسفه لك
لاتفكر الروح ترضى بعد مضنوني
انت البشر يوم كل القاف في وصفك
وانت المعاني وكل الناس ياكوني
اليوم تعبت حروفي واتعبت وصلك
حسيت بانك بعيد وهاجت طعوني
كــن الخنــاجر بقـلبي واعتلا قدرك
بــان الغــلا في غـيابك بيح شجـوني
ارجوووك خـلك قـريب مابقى مـثلك
انت العـوض لو كل الناس خلوني
ماشفت غيرك كتبت الشوق من أجلك
جبت المشاعر وساقتني على جفوني
كـن الليالي سوااد ماعرف بـدرك
كـن الاماني تصيح وتنتحب دوني
قـلي وش اللي بقا والصبر من صبرك
حلمك وطيبك وحبك غييير لحوني
ماجيت ادور عشيق بالملا واترك
كـل القرايب واخلي من تناسوني
والله لو مانت غير الناس مااقف لك
ولا ادور عــذاب الحـب مجنـــوني
غير انت ياللي مليت القلب يرخص لك
عمـري وروحي حبيبي مابها هـوني
عزي على الله وحس العز ينده لك
نادك قلـبي ولو الناس نادوني
ابيـع كل الخـلايق واشتري عذرك
واعـذر حياتي وسامحني على موني
امووون خلي واحبك زوود واحببك
هـذا خـطـابي ولوبـيحـت مكنــوني
((تدري حبيبي وش اللي صار في بعدك))
(( ميييت ولانيب مييت كيف يحيوني))