السلام عليكم ورحمة الله وبركاته
اطرح بين ايديكم هذه القصيده والتي أتمنى بأن تنال استحسانكم
زهمني بالعيون
زهـمـنـي بالعيون وفـز قلبي ولـتـفـت صـوبـه = سـألـت القلب قال اللي زهـم أغلا من الـروحـي
تـبـسـم من جـوابـي طرف عـيـنـه زان مـشـروبـه = فـوادي لـو يـغـيـب الـبـدر مـن فـرقـاه مـشـلـوحـي
حـيـاتــي روح قـلـبـي سـاجـنـتـهـا عين رعـبـوبـه = فــراق عـيــونـهـا نـاره وقــيــده دمـي ايـفـوحـي
تـمـيـل غصون قلبي دام بـعـده هـبـت هـبـوبـه = هــبــوبــه بـارده مـنـهـا فــوادي صــار مـطـروحـي
عـسـى برق السحاب اللي يلوح إسقي دروبـه = عشان ايصير صدره من شذى الأزهـار مـشـروحـي
عـيـونـي مـن حـلا الأوصـاف والأزهار مـجـذوبـه = أسـرنـي جفنه اللي مثل برقن بالسماء ايـلـوحـي
عـلـى سـهـر اللـيـالي والـشـقـى العين مـغـصـوبـه = تـخـيـل بـرقـه اللي دون غـيـثـه غصني ايـنـوحـي
حـمـام الـحـب من فـرقـاه نـاح وشقق جـيـوبـه = يـقـول الحب من دون الغضي حامض ومـمـلـوحـي
شـفـاتـه شـهـدهـا طـبـي دواء قـلـبـي ومـطـلـوبـه = ربـيـع الـقـلـب نـظـراتـه عـنـاي وبلسم جـروحـي
طيوفه أمـطـرت أسـقـت نـبـات بحسن مـكـتـوبـه = غـرامـه كـاتـبـه فـوق الـورق من قلب مـجـروحـي
لـفـانـي بــعــد مـده رحــب الـخـافــق بـمـحـبـوبـه = يـقـول أهلان هـلا بالغالي اللي ساكن بـروحـي
زهـمـنـي بالعيون وفـز قلبي ولـتـفـت صـوبـه = سـألـت القلب قال اللي زهـم أغلا من الـروحـي
التميز
الإهداءات
زهمني بالعيون
رد: زهمني بالعيون
