السلام عليكم ورحمة الله وبركاته
اطرح بين ايديكم هذه القصيده والتي أتمنى بأن تنآل استحسانكم وذائقتكم الشعريه الرفيعه
القلب من حبه غدى هايم
ما شاء الله الرحمن ما شاء الله = على هنوف(ن) كلها فله
جدايله فوق الظهر كله = والصدر نهده ما بعد باني
شفته بعيني وسحر أعياني = قام إيتمايل ميل الاغصاني
اطلق سهامه صاب وجداني = جاني عليه سهمه الجاني
آسر فوادي حب غندوره = نور البدر ايغار من نوره
لا طل نوره تضحك زهوره = مثل الزهر في كل بستاني
عمري فدى روحه فدى عينه = زين المزاين خمس من زينه
حبل الهوا ما بيني وبينه = يلعب بقلبي عذب الالحاني
ليت الغلا والحب يشرونه = كان اشتري زهره من غصونه
ودفع حياتي كلها دونه = مدام حبه وسط شرياني
القلب من حبه غدى هايم = لا هو بلا صاحي ولا نايم
ماظن نبته بعدها قايم = مدام عرق النبت ظمياني
لميس مع حسنه ولا حاجه = دكتور جرح القلب وعلاجه
لا غاب قلبي مالت ابراجه = نادر في حسنه ما معه ثاني
الروح من فرقاه مانامت = من يوم غادر ولولت صاحت
غاب القمر عنها ولا ارتاحت = مسجونة(ن) في سجن الاحزاني
شوفه يرد الروح للخافق = ذوب فوادي جفنه البارق
مسروق قلبي الغضي سارق = سارق فوادي بدر الازماني
ما شاء الله الرحمن ما شاء الله = على هنوف(ن) كلها فله
جدايله فوق الظهر كله = والصدر نهده ما بعد باني
التميز
الإهداءات
القلب من حبه غدى هايم
رد: القلب من حبه غدى هايم
