قصيدة الجوال للشاعر:سلطان الجلاوي

ماني أبعـاذرك فـي تقفيـل جوالـك=
لو قلت محرج من اقرابك على شاني=
ولو قلت تبغـى تكلمنـي ولاجالـك=
مقبل لك اعـذار لاللـول ولاالثانـي=
كم لي وانا اسهر واعاني واتحرالـك=
ابغى علـى شـان لاكلمـت تلقانـي=
ولاهوب انا حت جوالي على ارسالك=
مشتاق لك مثل شوقي لك وولهانـي=
وليـا تذكـرت فاخـر يـوم موالـك=
اقـول مايعقـل ان الزيـن ينسانـي=
اكيد الـه ظـرف فـال الله ولافالـك=
ياكثر ماجابي الهـا جـس وودانـي=
وأنته مشالله عليـك ولاعلـى بالـك=
من معرض النهدي ا لسوق الرميزاني=
مرسلتلي لو رساله تشـرح احوالـك=
وانته معك رقـم جوالـي وعنوانـي=
وانا الي ارخصت كل الغالي افدالـك=
من دون لا يدري القاصي ولا الدانـي=
واليوم بعد اتضح في عيني اهمالـك=
جايٍ تعذر تقـول اسـف وغلطانـي=
خلاص فـات الاوان بسبـت افعالـك=
فاتـك قطـار المحبـه لاترجـانـي=
وأن كنت والله واعلم شايـفٍ حالـك=
اسمع وش اخر خبر يطلع من لساني=
مالك ومالي مثـل مامالـي ومالـك=
خلاص روح يكفـي منـك ماجانـي=
عشـان منشـدك لا قفلـت جوالـك=
وانته ما تحرج من اقرابك على شاني=
يعني توكل على الله روح في حالـك=
هذا هو اخر خبر يطلع مـن السانـي=

منقوووول
للشاعر سلطان الجلاوي

يااااسلام



صح الله لسان الشاعر سلطان الجلاوي





وتسلم يالمستشار على حسن الاختيار ,,,


ولك تحيااااااااااااااااتي

صح لساااان سلطان الجلاوي .. وصح لسانك

يعطيك العافية . .

خالص الود
...


.
.

المستشار

سلمت يمينك على هذا النقل

الرااائع والجميل وصح لسان

ابو صاهد ...لك تحيتي

وتقديـــري

صح لسانك ولسان الجلاوي والله يعطيك العافية


كل عام وأنتم بخير



عيد سعيد



لك خالص التحية

تسلم اخوي


اختيار ذوق صح لسانك

صح لسانك



اختيار راقي الله يعطيك العافية


لك التحية