لاتعتذر منـت بعلـى الصـد معـذور

قصيده للشاعر سعود المطيري ..
اعجبتني فأحببت نقلها لكم ..
عسى ان تحوز على اعجابكم

لاتعتذر منـت بعلـى الصـد معـذور
وش عاد لو كثـرت علـي المعاذيـر
تعبـت أسايرهـا وهّديـك وتـثـور
واسووق رجلي في سـراب المشاويـر
ياصاحبي .. ماني على الصبر مجبور
ولولاك تسوى .. مارقيـت المحاذيـر
يوم الغلا .. جاله على القلـب منثـور
سقت الثميـن ولاحسبـت المخاسيـر
جيتك وانـا كلـي بساتيـن وزهـور
وانفـاس هيـلً بالـدلال المباهـيـر
يحدنـي يمـك .. احاسيـس وشعـور
وجيـوش عشـقً بالحنايـا طوابيـر
قلبً يضمّك وانـت بالقلـب محصـور
وريضان وجدك بالضمايـر مزاهيـر
وطعوونك اللي كلهـا آلآلآم وكسـور
مّرت علي ضيـوف دار ومساييـر !!
اشيلها راضـي ولاعنـك .. مذخـور
واصيـر دونـك بالليـال المعاسـيـر
واليوم .. ضاعت بك محيطات وبحور
لفـت بـك الدنيـا شتـات ومقاديـر
قامـت تلفـك لـف وتلـف وتــدور
مابيـن ضايعهـا وشّــح التدابـيـر
ورجعت لي ضامـي وتايـه ومقهـور
عقب البطا .. شمّيت ريـح التباشيـر
ماعاد لك عندي ... مراتيع وقصـور
أتلى العهد .. يومك حرقت المخاضير!!

أرق التحـايــــ شوق القصيم ــــــــــا

صح الله لسااااااااااااان شاعرها

وسلمت آنامل ناقلها

الله يعطيك العافية

تقبل تحيااااااااااتي الخاااااااااصة

الله على نار الهجر

يبدأ الغلا ثم يحدر

ومابين سجات المحبة.. تشتعل نار القهر
اما ينادينا الصدود ..والا يسلينا الصبر

هذي مفاهيم الغرام
ذلت مناعير كرام

سلمتي

شوق القصيم

اقتباس : المشاركة الأصلية كتبت بواسطة الــزعــيــم [ مشاهدة المشاركة ]

صح الله لسااااااااااااان شاعرها وسلمت آنامل ناقلها الله يعطيك العافية تقبل تحيااااااااااتي الخاااااااااصة

تسلم على اطلالتك ..

يعافيك ربي..

اقتباس : المشاركة الأصلية كتبت بواسطة نورة الجعيثن [ مشاهدة المشاركة ]

الله على نار الهجر يبدأ الغلا ثم يحدر ومابين سجات المحبة.. تشتعل نار القهر اما ينادينا الصدود ..والا يسلينا الصبر هذي مفاهيم الغرام ذلت مناعير كرام سلمتي شوق القصيم

اما ينادينا الصدود ..والا يسلينا الصبر

اي والله صدقتي..

رفع الله قدرك

على حلو المرور والرد..

مشكوووره


على الطرح الجميل


قصيده جميله


صح لسان شاعرها



يعطيك الف عافيه

اقتباس : المشاركة الأصلية كتبت بواسطة المجروح [ مشاهدة المشاركة ]

مشكوووره على الطرح الجميل قصيده جميله صح لسان شاعرها يعطيك الف عافيه

يعافيك ربي ..تشكر على اطلالتك ..

صح السان الشاعر سعود المطيري على القصيدة الجميلة المميزة الجزلة

وتسلم يمينكٍ يا شوق القصيم على الطرح الرائع احستني الاختيار

تقبلوو تحيااااااااتي الخااااااااااااصه

صقر عتيبة