هذه المحاورة قديمة جدا وفرسانها هما الشاعر لويحان الازوري والشاعر جميل حاسن المطرفي
رحمة الله عليهما وعلى جميع اموات المسلمين
يقول لويحان الازوري
انا ماشفت مثل هذيل واحد يقرش العيدان=ليا جار الزمن قاموا على اليابس يحطبونه
وهم ماهم فقارى عندهم معزى وبل وضان=عساهم بالزمان اللي يجيهم رافع قرونه
قال جميل المطرفي
تمدح ياعميل الخير وانته قاصر الجنحان=ليا مااصبح مديد البدو ضوك ماتشبونه
تحمد ربي اللي حت منك القمل والصيبان=بعد ظلا يسير في علو الثوب وردونه
قال لويحان
عسى ربي يجينا بالمطر من رايح الامزان=على نجد العذا اللي مايجيها منتقل شونه
ديار المرجلة ماهي كما ديرتك يالفقران=واهلها يركبون الخيل والعايل يصدونه
قال جميل
ليا جاك المطر سالت ضواحي نجد والشعبان=وقمتوا تقنصون الفار والضفدع تصيدونه
وحشت الورع والحرمة تلم الفقع فالزبلان=على المرقوق يالويحان لضيوفك تحطونه
قال لويحان
انا ماني سواتك ياجميل ابقنص الوبران=ليا منه جحر فالغار عودتوا تحفرونه
واناثيكم يبيعون اللبن والغزل واليدمان=وتشري به من الابطح وليتكجزت من دونه
قال جميل
ترى بيع اليديم اشرف من اللي يخرز الحذيان=يخرز الصمدمن داخل ويجر السير بسنونه
ترى بعض الصنايع يا عميلي دونها التركان=كما اللي يشرب الدخان واهل العلم ينهونه
قال لويحان
تراني مستحي من شيخكم والليحضرماهان=لكنك ياولد حاسن تجر الشوك بغصونه
اشوفك ياجميل مجود الخوصة كما السرقان=وثوبك ثوب قوماني وبه ناس يعرفونه
قال جميل
كلامك زين وانته زين يا مطيبك يالويحان=لكنك ياعميل الخيرتنظر كاحل عيونه
انا ماني سواتك فالقرايا تنقز الحيطان=ليا صاحواعليك انحشت واهل الغرب يوكونه
قال لويحان
انا داخل على الله من كلام الزور والبهتان=نباها طيبة والصبح كل راح فشطونه
انا شايب واحب اللعب ياحاسن مع الشيبان=لكنك ليش ترسل فوقي اللي ينفض جنونه
قال جميل
انا عمي وعمك خادم للملك والسلطان=وابوي ابوي لامني حضرت اسد من دونه
ليا منك عدلت يجيك منا عدل فالميزان=ليا عمت البحر تلقى رياجيل يعومونه
قال لويحان
كمنك ياولد حاسن قعدت الدرب في جدعان=لمن هوحج بيت الله وربك ماتخافونه
ترى السارق ليا منه سرق يصلب على العمدان=يجره خادم ابن سعود والعسكر يدفونه
قال جميل
قعدت الدرب يوم انك تبات مع المرة طيان=واخذت ريال جمرك فوقكم وانتم تخبرونه
ومولانا جمعنا لين سرنا كلبونا اخوان=وطاك اللي وطاني والله اعطى الحكم مامونه
قال لويحان
علامك مانطحت البارق اللي جاء مع الريعان=علامك مانطحت البارق المفتن تحربونه
عطيتوا ضلع كبكب تنقلون الزاد والورعان=تبون الجيد اللي كان اهاليكم يعبدونه
قال جميل
علامك ماحربت الباشه اللي قبله العثمان=يسير في عنيزة تنكره والا تقرونه
نصيحة لاتعرض لامر منهو كل يوم بشان=وحنا ماعبدنا غير معبود تعبدونه
التميز
الإهداءات
لويحان الازوري وجميل المطرفي
