غصبٍ علينا بكينا ...؟؟؟

السلام عليكم ورحمة الله وبركاته


اليكم هذه القصيدة ...أعجبتني فحبيت أنقلها لكم


لا أعرف من القائل


الفراق

عقب البطا لاقيت ظاف الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
قلت السبب قال الليالي غريبات = إنه العلاقه واعتبرنا انتهينا
انا بحبل انسان ماهي دعايات = ارجوك ابعد خايف انًه يجينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاًجرت من غير ذنبٍ جنينا
وقفت اخايل غض الأنهاد لحظات = فيهن تهدم كل شيٍ بنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
من عقب مامرن سنينٍ طويلات=تكررت عقب البطا والتقينا
ولاهقينا نلتقي عقب مافات=في صدفةٍ فيها حشا مادرينا
رغم الفراق ورغم ذيك المسافات=لاشك جابتها الليالي وجينا
لحظه تلين إبها القلوب القويات=في موقٍف بان التوتر علينا
الحمد لله عاضني عقب لوعات=قالت شلونك قلت ربك عوينا
احيت خفوقٍ كان بعداد الأموات=الله رزقني في هنوفٍ تبينا
ألقابها عن ظيقة الصدر سجات=هي نور عيني فرحتي والضنينا
لكن عقب مالاعنا الحب مرات=قالت سليت وقلت عقبك سلينا
مافات فات ولا تفيد الحسوفات=قالت شلون وقلت لاتسألينا
الدمع ماينفع عزيزٍاليامات=قالت تكلم قلت مهما حكينا
لكن قنعنا والقناعه من الذات=قالت نسيت وقلت لامانسينا
روحي عسى في كل خطوه سلامات=قالت أروح وقلت وش في يدينا
ولا تشوه صادق الحب زلات=بصبر على فرقاك مهما حيينا
تكرم ونكرم عن دروبٍ رديات=قالت على ماكنت دنيا ودينا
يم الديار اللي علينا بعيدات=قلت اسمحيلي قبل لاترحلينا
اجيك مهما واجهتني صعوبات=تراي ذخرٍ لاحدتك السنينا
كلي فداك ان صار بالوقت ميلات=من اليوم اخوك وغيرها ما بغينا
وتهشمت قدام عيني بعبرات=وتبسمت بإعجاب مدري حنينا
واقفت تكلم نفسها بس بسكات=قالت فمان الله قلت انتهينا
دربٍ مشوه اهل القلوب العفيفات=وقفت تقديرٍ لها ثم مشينا
وش جابها عقب السنين الطويلات=امشي واردد ليتنا ماالتقينا

الله الله



قصيدة روعة بما تعني الكلمة



مشكور على النقل المميز

مشكور على الاختيار الرائع



لك التحية

ملك القلوب

الله يعطيك العافيه

قصيده رااااائعه

تسلم يمينك على النقل الجميل


تقبل تحياتي