المرجله حجّه وياوّي حجّه

لا ضاقت الديره بخاطرك وجّه
وتلقى ديارً شوفها يطرب البال
سوق القدم قدام مع كل فجّه
وديار ربّي قدمك عراض وطوآل
ورح للخلا فالليله المدلهجّه
يكفيك لو تشرب من الكيف فنجال
في صحصً مافيه صجّه ولجّه
والنور خافت والقمر توّه هلال
حزمً براحً مايجي منه عجّه
دوب غسله من رايح المزن همّال
وأخذ مع الهاجوس سجّه وسجّه
في جال نارً عامره تشعل أشعال
أخير لك من سوق مليان دجّه
من قوم دجّوا تاجد الوان وأشكال
السوق بأهل السوق مليان صجّه
بمراسلية هرجة القيل والقال
ناسً على شذب البشر مستلجّه
أفطن لهم يامعّرب الجدّ والخال
والمرجله حجّه وياوّي حجّه
ومن صعبها مانالها كل رجال


عيضه بن معيوض الثبيتي

صح لسانك يالشاعر الكبير

وننتظر مزيدك

تحياتي لك ..

صح لسانك وعلا شانك

قصيدة جزلة من شاعرنا المعروف بجزالة قصيده

مشكور على إنضمامك لمنتداك

ننتظر المزيد لنثبت لك الديوان

تحيااااااااااااااااااااااااااااااااتي

صح لسانك يا المبدع

صح لسانك يالشاعر القوافل

قصيده جميله ومميزه

تحياتي

صح لسانك وعلا شأنك

قصيدة جميلة

تقبل

مروري

صح لسانك وبيض الله وجهك اخوي عيضه

قصيده جزله


تحياتي

صح لسانك اخي عيضه


تقبل مروري

صح الله السااانك على هذه القصيدة

الله يعطيك العافية

لك خالص التحية

صح لسانــــــــــــــــك

قصيده رائعه


من شاعر


رائع


وتقبل مروري