طابت أوقاتكم بكل خير
لا والله إلا راحــــت عـلـومـنا قـــش
قـش صـلبي ٍ(ن)فـي مـهب الـهبايب
بــان الـخلل بـالناس والـراي مـنطش
تـكـارهـوا الــلـي مـــن أول حـبـايـب
مـدح الوجيه يصير عند القفى حش
يـنـعاب واحــد مــا يـعـرف الـمعايب
إن جـئـت تـنـصح لـلـمخاليق تـبـلش
مـحد ٍ(ن)يـطيع الراي لو كان صايب
كــل مــا تـراه وتـسمعه داخـله غـش
مـافـيه شـيءٍ(ن)ماعلق بـه شـوايب
إن جـئت تـصبر فـالصبر يـعتبر غش
وإن جئت تحكي هاجمتك المصايب
أخــطـاء كـثـيرة مـثـلها مــا يـطـنش
لـكـن ظــروف الـوقـت فـيها غـرايب
خـلت حصيف الراي مايعدل القرش
وخـلت ربـيب الـجهل راعي عجايب
لا عـدت يـاوقت ٍ بك الطيب منخش
وأهـل الـردى صاروا شيوخ الكتايب
لا والله إلا راحــــت عـلـومـنا قـــش
قـش صـلبي ٍ(ن)فـي مـهب الـهبايب
ⒿⒶⒷⒺⓇ
التميز
الإهداءات
راحت علومنا قش !!!
رد: راحت علومنا قش !!!
